Wakati wa Kubadili fikra ni huu

Wikipedia- Kiswahili

2009-03-09T18:05:00.000+02:00

_Watanzania wote wanakaribishwa kuchangia habari za mahali
wanapoishi au wanapotoka katika wikipedia ya Kiswahili! (sw.wikipedia.com) Ijulikane ya
kwamba wikipedia ni mradi mkubwa wa elimu unaojengwa na wachangiaji
wanaojitolea bila malipo yoyote. Kila mtu anakaribishwa kuchangia!

Kwa sasa tumeanzisha makala fupi za kila kata kwenye mikoa ya Arusha,
Dar es Salaam, Dodoma, Iringa, Kilimanjaro, Kigoma, Lindi, Mara, Mwanza,
Mbeya, Manyara, Morogoro, Mtwara, Pwani na Tanga.

Angalia ukienda anwani hii: sw.wikipedia.org/wiki/Mkoa_wa_Arusha.

Chini kuna sanduku inayoonyesha mikoa yote. Ukiingia katika mkoa fulani unapata majina ya
wilaya. Kila safari ukibonyeza kwenye neno lenye rangi ya buluu
unapelekwa kwenye makala mpya. Ukifika kwenye wilaya utaona sanduku
lenye majina ya kata za eneo hili. Makala mengi yana habari fupi tu kama
"ABC ni kata ya wilaya DEF katika Mkoa wa XYZ. Idadi ya wakazi wake
ilihesabiwa kuwa xxxxx katika sensa ya 2002". Kila mtu yuko huru
kubonyeza kwenye sehemu ya "hariri" juu ya makala na kuongeza habari.
Baada ya kuongeza habari unabonyeza sehemu ya "Hifadhi ukurasa" iliyoko
chini.

Si vigumu na hapa unaweza kuingiza habari juu ya watu, historia,
utamaduni na taasisi zilizopo katika eneo la kata hii.

Karibuni sana tutawaarifu wakati mikoa mingine itakuwa tayari!

HAKUNA APANDAYE JUU YA MTI KUTAFUTA SAMAKI!!

2009-02-09T19:29:00.002+02:00

kooooorti!!!watu wote wanasimama kuashiria mheshiwa hakimu kashatia maguu ndani ya mjengo...prosija za mahakama zinaendelea na baada ya muda mreefu tangu 2006 hatimaye leo kile kitendawili cha KATI YA ULIMI NA MENO NANI MPANGAJI NDANI YA KINYWA kinaanza kujibiwa...najua unashauku ya kutaka kujua nazungumzia nini...Ni yule jamaa alikuwa mtu mzito ndani ya Geshi la polisi...A.Zombe...akiwa na washikadau wenzake kwa kesi ya kuua wafanyabiashara wa madini..Nimekuwa nikifuatilia kesi hii na hapa mwishoni mwakili wa Zombe wanadai mteja wao hana kesi y kujibu eti kwa sababu ushahi ulotolewa unaonyesha hakuwepo eneo la tukio..kweli kila mtu na kazi yake...ukiwa wakili lazma ukubali kuwa na uwezo wa kujipiga ganzi...Haya...Ushahidi unaonyesha kuwa order zote zilitoka kwa zombe...hapa ni kwamba hata kama hakuwepo ktk eneo bado anakesi ya kujibu..MATUMIZI MABAYA YA OFISI...na hapo ndipo napotaka kutundika mawazo yangu...kilaiini kama kuweka shati kwenye msumari...Ninaposema hakuna mtu mzima mwenye akili timamu amabye anaweza kupanda hadi juu ya mti na kisha akiulizwa anatafuta nini!?aseme" NATAFUTA SAMAKI"namaanisha kwamba Zombe na wenzake walijua dhahiri walichokuwa wanafanya..na hivyo umefika wakati wa wao kuambiwa"KWENYE MTI HUWA KUNA MATUNDA"...ili jamii yetu iweze kuwa na imani na vyombo vyake vya sheria tunategemea kuona Zombe na wenzake wakipata matunda ya kazi yao..Kwani kama Zombe ndiye mwenye nyumba basi Mahakama imtoe na kicheko..lakini kama yeye na wenzake na wapangaji ndani ya kinywa(SHERIA)basi mwenye kupewa notice apewe!!!vinginevyo itakuwa sawa na kile kitendawili cha KATI YA NGUO NA MWILI NANI ANAYEMBANA MWENZAKE???!!

Askofu agawa kondomu

2007-06-12T14:35:00.002+02:00

Alhamisi ya tarehe 7 Juni 2007, BBC ilirusha kipindi cha Hard Talk ambapo mwandishi maarufu Steven Suckur alifanya mahojiano na Askofu Mkuu wa Dayosisi ya Rusternburg Nchini Afrika ya Kusini. Askofu huyo, Kevin Dowling alikiri kugawa kondomu kwa watu ili wajikinge na maambukizi ya UKIMWI. Alisema kwamba yeye kama askofu ameshuhudia mengi, anaona watu wakifa ambapo pengine wangestahili kupona. Alisema katika moja ya kliniki sehemu hizo, asilimia 50 ya wanawake wanaohudhuria kliniki ya wajawazito wameambukizwa virusi vya UKIMWI. Wengi wa wanaothirika ni wahamiaji masikini kutoka katika majimbo yenye hali mbaya sana kimaisha hase jimbo la Eastern Cape. Baadhi ya wahamiaji hao huja kutafuta namna ya kujikwamua kimaisha katika maeneo hayo ambapo kuna mgodi wa madini, lakini wengi hasa wanawake hujikuta wakijihusisha na ngono kama njia ya kujikimu baada ya kukuta hakuna cha kufanya.

Alipoulizwa kama haoni huku ni kupingana na Vatican, Askofu huyo ambaye pia alikuwa mmoja wa wapambanaji wa mfumo wa ubaguzi wa rangi nchini humo alisema ni kweli mtazamo wa kanisa si huo lakini yeye anaangalia hali halisi na mazingira aliyomo. Anasema akiwatembelea watu katika maeneo hayo wanaoishi kwenye vibanda vibovu kabisa anawakuta wengi wakiwa katika hali mbaya sana jambo linalomfanya ahisi kwamba wangeweza kupona kama wangejikinga. Hilo linamsukuma kuwagawia kondomu watu wengi ili kuponya maisha yao na madhara yanayoambatana na UKIMWI. Anaendelea kusema kuwa watu anaowahudumia si wakatoliki tu bali ni kutoka katika dini na madhehebu mbalimbali na kwamba anachofanya ni kujaribu kuwasaidia watu kutua mizigo na si kuwatwisha kama neno la bwana linavyonena!

Askofu agawa kondomu

2007-06-12T14:35:00.000+02:00

Alhamisi ya tarehe 7 Juni 2007, BBC ilirusha kipindi cha Hard Talk ambapo mwandishi maarufu Steven Suckur alifanya mahojiano na Askofu Mkuu wa Dayosisi ya Rusternburg Nchini Afrika ya Kusini. Askofu huyo, Kevin Dowlin alikiri kugawa kondomu kwa watu ili wajikinge na maambukizi ya UKIMWI. Alisema kwamba yeye kama askofu ameshuhudia mengi, anaona watu wakifa ambapo pengine wangestahili kupona. Alisema katika moja ya kliniki sehemu hizo, asilimia 50 ya wanawake wanaohudhuria kliniki ya wajawazito wameambukizwa virusi vya UKIMWI. Wengi wa wanaothirika ni wahamiaji masikini kutoka katika majimbo yenye hali mbaya sana kimaisha hase jimbo la Eastern Cape. Baadhi ya wahamiaji hao huja kutafuta namna ya kujikwamua kimaisha katika maeneo hayo ambapo kuna mgodi wa madini, lakini wengi hasa wanawake hujikuta wakijihusisha na ngono kama njia ya kujikimu baada ya kukuta hakuna cha kufanya.

Alipoulizwa kama haoni huku ni kupingana na Vatican, Askofu huyo ambaye pia alikuwa mmoja wa wapambanaji wa mfumo wa ubaguzi wa rangi nchini humo alisema ni kweli mtazamo wa kanisa si huo lakini yeye anaangalia hali halisi na mazingira aliyomo. Anasema akiwatembelea watu katika maeneo hayo wanaoishi kwenye vibanda vibovu kabisa anawakuta wengi wakiwa katika hali mbaya sana jambo linalomfanya ahisi kwamba wangeweza kupona kama wangejikinga. Hilo linamsukuma kuwagawia kondomu watu wengi ili kuponya maisha yao na madhara yanayoambatana na UKIMWI. Anaendelea kusema kuwa watu anaowahudumia si wakatoliki tu bali ni kutoka katika dini na madhehebu mbalimbali na kwamba anachofanya ni kujaribu kuwasaidia watu kutua mizigo na si kuwatwisha kama neno la bwana linavyonena!

Paper ya padre Karugendo

2007-06-06T11:02:00.000+02:00

Padre Karugendo hivi karibuni alitoa mada kuhusu kujikinga na UKIMWI katika usharika wa Chuo Kikuu DSM. Naiweka hapa ili uisome.
KUJIKINGA NA MAAMBUKIZI YA UKIMWI

Waheshimiwa mabibi na mabwana. Bwana asifiwe!
Tuombe:
Tumwombe Mungu Mwenyezi muweza wa yote,
Muumba wa Mbingu na Dunia,
Mwenye wingi wa upendo, huruma na hekima,
Mwenye kujali na kusamehe,
Anayetujalia Uhai,uhuru na utashi,
Anayetufunulia kila kitu mpaka kututumia
Mwanaye wa pekee kuja kutukomboa;
Atushushie roho wake Mtakatifu,
Aje kutuongoza katika maongezi yetu ya leo.
Kwa njia ya Bwana wetu Yesu Kristu. Amen!

Ninawashukuru sana kunikaribisha katika Usharika wenu wa Chuo Kikuu, ili tuweze kushirikiana katika kujadili na kuelimishana juu ya ugonjwa hatari wa UKIMWI.

Katika maongezi yangu nitaongozwa na masomo matatu:

“Mimi ni mlango. Anayeingia kwa kupitia kwangu ataokolewa; ataingia na kutoka, na atapata malisho. Mwizi huja kwa sababu ya kuiba, kuua na kuharibu. Mimi nimekuja mpate kuwa na uzima- uzima kamili” ( Yohana 10:9).

2. “Kama vile Baba alivyo asili ya uhai, ndivyo pia alivyomjalia Mwanae kuwa asili ya uhai” (Yohana 5: 26).

3. “Naomba ili wote wawe kitu kimoja. Baba! Naomba wawe ndani yetu kama vile wewe ulivyo ndani yangu nami ndani yako. Naomba wawe kitu kimoja kusudi ulimwengu upate kuamini kwamba wewe ulinituma” (Yohana 17:21)

UKIMWI, ni somo pana sana na linagusa nyanja zote katika maisha yetu. Hivyo kuna mambo mengi ya kujadili juu ya ugonjwa huu. Mengi yamejadiliwa na bado mijadala inaendelea na ndiyo maana tuko hapa siku ya leo. Imani yangu ni kwamba kwa vile hapa ni sehemu ya wasomi. Mijadala kama Ukimwi ni nini, Virusi vya Ukimwi ni nini, Ukimwi ulianzia wapi, Ukimwi unaambukiza kwa njia zipi, njia za kujikinga,dawa za kurefusha maisha na utata mwingi unaozunguka ugonjwa huu si mipya. Na kwa vile kuna wachangiaji wengine, basi niwaombe niongelee kipengele kimoja: Kujikinga na Maambukizi ya UKIMWI. Nikiwa na lengo la kusisitiza wajibu wetu wakristu wa kulinda na kuutunza uhai. Kama anavyosema Bwana wetu Yesu kristu: “Mimi nimekuja mpate kuwa na uzima- uzima kamili.”

UKIMWI, unaambukiza kwa njia mbali mbali. Nafikiri na hili si geni kwenu. Nawaomba niongelee njia moja tu inayosambaza ugonjwa huu kwa asilimia kubwa: Ngono.

Sintaingia kwenye upande wa Ushoga na Usagaji. Nitajikita kwenye kujamiana katika hali ya kawaida inayokubalika katika jamii na katika kanisa.

Wataalamu wa jambo hili la kujingina na maambukizi ya Ukimwi (Ngono), wanapendekeza njia kama tatu. Padri Joinet, ambaye amekuwa mstari wa mbele,katika swala hili la kujikingia na maambukizo ya Ukimwi, anaoegelea mashua tatu. Yeye anauchukulia UKIMWI, kama mafuriko – na kwamba watu wanatafuta namna ya kuokoa maisha yao kwa kuyakimbia mafuriko. Mashua hizi tatu ni:
Uaminifu
Kujinyima
Kondomu.

Yeye anasema kwa vile mtu ana uhuru na utashi, na kwa vile kuna njia tatu za kujikinga – hakuna haja ya kupoteza maisha. Mashua zote ni salama, hivyo kila mtu anaweza kujiponya kwa kuchagua mashua mojawapo. Na anasema mambo kama yakikwendea vibaya kwenye mashua moja, basi mtu unaweza kuamua kuhamia kwenye mashua nyingine. Anasema ni uzembe na kutojali mtu kufa kwa mafuriko wakati mashua zipo. Ni zaidi ya miaka 15, Fr. Joinet, akihubiri juu ya mashua tatu, lakini maambukizi ya virusi vya UKIMWI bado yanashika kasi ya kutisha. Maana yake ni kwamba, kuna baadhi ya watu wanaamua kufa kwa mafuriko kuliko kuingia kwenye mashua mojawapo!

Wengine kama Mheshimiwa Askofu Gamanywa, wanaongelea kitu kilekile, lakini kwa mtanzamo mwingine na kwa kukwepa Kondomu;
Subiri
Tosheka naye
Acha kabisa.

Njia hizi nazo ni salama kabisa. Lakini la kushangaza, ni kwamba maambukizi ya UKIMWI, yanapanda badala ya kushuka. Maeneo mengine yanashuka kidogo – lakini kwa wastani hapa Tanzania maabukizi ya virusi vya UKIWMI bado yako juu.

Kwa sabablu zilizojuu ya uwezo wangu, ninawaomba niongelee njia mbili tu:
Uaminifu
Kondomu.

Maana hizi nyingine:
Kujinyima
Acha kabisa.

Ni za watu wachache sana ambao ninafikiri hawaishi katika dunia yetu hii. Hizi ni za wateule wachache. Nafikiri sisi tunatafuta njia za kuwakinga watu wengi, jamii nzima. Hivyo hizi za wateule wachache hazitusaidii sana.

Uaminifu.

Kile ambacho Padri Joinet, anakiita Mashua ya Uaminifu, ndicho Askofu Gamanywa na viongozi wengine wa dini wanakiita Tosheka naye. Maana yake ni kwamba mtu awe na mpenzi mmoja. Mme mmoja, mke mmoja! Kwa kuzuia maambukizi ya UKIMWI, hii ni njia nzuri kuliko zote!

Jambo hili si jipya katika kanisa. Ndoa ya kikristu ni ya mme mmoja, mmke mmoja. Hiyo ndiyo maana ya tosheka naye. Kwenda kinyume ni kuvunja uaminifu.

Sote tumekwisha shuhudia ndoa za Kikristu zinazofunjika, tumeshuhudia wakristu wenye wanawake zaidi ya wawili, tumeshuhudia nyumba ndogo, tumeshuhudia watoto wanaozaliwa nje ya ndoa nk. Nisingependa kuingia sana katika jambo hili. Kitu ninachopenda kujadiliana na nyinyi ni je:
Kuna Uaminifu katika ndoa za Kikristu?
Uaminifu ni kitu kinachowezekana katika ndoa na katika mapenzi?
Maana kama Uaminifu ni njia nzuri ya kujikinga maabukizi ya Ukimwi, ni bora tukahakikisha kama kweli njia hii ni salama, vinginevyo tunajiingiza katika hatari.

Mfano:

Mimi ni Padri wa Kanisa Katoliki. Sisi wakatoliki tuna kitu kinachoitwa Sakramenti ya kitubio. Waumini wanatubu dhambi zao kwa Padri. Sina lengo na kutaja dhambi za watu. Ninautumia huu kama mfano wa kutusaidia. Kwa kipindi cha miaka 18, niliyoungamisha, sikukutana na familia hata moja yenye Uaminifu katika ndoa. Sikukutana na mtu hata mmoja, mwenye uaminifu katika mapenzi:

Kwa maana kwamba kila mtu mwenye ndoa niliyemuungamisha, alitaja dhambi ya kuzini na kutembea nje ya ndoa!

Kwa maana kwamba kila mtu mwenye mpenzi niliyemuungamisha, alitaja dhambi ya kukosa uaminifu kwa mpenzi wake.

Nimeishi Ulaya, nimeungamisha, hali ilikuwa hivyo hivyo. Nimeishi Mbeya, nimeugamisha, hali ilikuwa hivyo hivyo. Nimeishi Karagwe, nimeungamisha, hali ilikuwa hivyo hivyo. Ninataja sehemu mbali mbali ili isije ikachukuliwa kwamba tabia ya kutokuwa na uaminifu katika ndoa na mapenzi ni ya sehemu Fulani.

Nimekaa kwenye parokia moja ya Bushagaro Karagwe, kwa kipindi cha zaidi ya miaka kumi. Kipindi chote hicho nimeshuhudia watu wakifa kwa UKIMWI. Watu niliowafahamu, niliowaungamisha, watu tuliokuwa tukisali pamoja. Kwa kipindi chote hicho nimeshuhudia watu walio kwenye ndoa na wenye wapenzi wakiungama dhambi ya kuzini. Na kipindi hicho UKIMWI, ulikuwa unapamba moto.

Mapadri haturuhusiwi kutaja au kutumia maungamo kwa namna yoyote ile. Hata kama unajua kwamba aliyeungama ametembea na mtu mwenye virusi, wakati amemwacha mke wake nyumbani, unakaa kimya. Badala ya kutetea Uhai, unabariki kifo!

Je, katika hali kama hii tunaweza kusema kwamba uaminifu ni njia ya kukinga maambukizi ya Ukimwi? Labda tatizo la kutokuwa na uaminifu katika ndoa ni la wakatoliki peke yao? Inawezekana kwenu nyinyi Walutheri ni tofauti? Nafikiri nitakuwa nimechokaza majadiliano.

Mwaka 2002, niliamua kukataa kubariki vifo na kuanza kutetea uhai kwa nguvu zangu zote.Nilivunja ukimya na kuwashawishi waumini kuuvunja ukimya ili tushirikiane kwa pamoja kupambana na maambukizi ya UKIMWI. Niliunga mkono matumizi ya kondomu. Katika mkutano wa “National Multisectoral Aids Conference” nilitoa mada na kuwaomba waheshimiwa Maaskofu kuvunja ukimya. Maana kama kuna watu wenye ushuhuda kwamba uaminifu katika ndoa ni kitu kigumu ni mapadri wa kanisa Katoliki. Niliwaomba maaskofu kama hawapendi kuunga mkono matumizi ya kondomu, basi wanyamaze. Au waendeshe kampeni ya chini kwa chini. Maana maaskofu wana ushawishi mkubwa, wakisema kondomu ni dhambi, watu wanafuata hata bila ya kufikiri kwanza.Jambo hili liliniingiza matatani na uongozi wa Kanisa katoliki hadi leo hii.

Ukweli ndo huo, kwamba hadi leo hii Mapadri tunaendelea kuchochea maambukizi ya Ukimwi. Watu wanaungama kuzini, tunawabariki na kuwasafisha. Wanarudi kuzini – wakirudi tunawabariki na kuwasafisha. Ni mzuguko usiokuwa na mwisho. Tunabariki vifo, badala ya kubariki uhai! Na kwa nguvu zote tunaendelea kuhubiri kwamba njia pekee ya kujikinga na maambukizi ya virusi vya UKIMWI ni uaminifu na Tosheka naye. Nitakuwa nimechochea majadiliano zaidi?

KONDOMU.

Wataalamu wanasema Kondomu, ikitumiwa vizuri ina uwezo wa kuzuia maambukizi kwa asilimia 98. Kuna mabishano mengi juu ya Kondomu. Wengine wanasema virusi vinapita. Wengine wanatoa ushahidi wa watu waliotumia Kondomu, wakapata maambukizi. Wengine wanasema kwamba Kondomu,ni biashara. Yako mabishano mengi. Nisingependa kujiingiza sana kwenye mabishano hayo. Labda moja tu kwa wale wanaosema kwamba Kondomu inachochea uzinzi. Ninakataa kukubaliana na watu hawa:

Kondomu ni silaha. Na kawaida mtu kuwa na silaha, si kigezo cha kuitumia hiyo silaha vibaya. Benki zetu masaa yote zinalindwa na mapolisi wenye bunduki zenye risasi. Ni mara ngapi mapolisi hawa wanafyatua risasi ovyo? Zinatumika pale yanapotokea majambazi.

Yapo mambo mengi yanayochochea uzinzi:
Pombe,
Madawa ya kulevya.
Mavazi yasiyokuwa ya heshima,
Picha za ngono katika Internet,
Umaskini,
Ujinga nk.

Hadi leo hii jamii yetu haijafanikiwa kuwa na mfumo mzuri wa kupambana na hayo niliyoyataja. Baadhi ya waandishi wameandika makala, riwaya, michezo ya kuiigiza na mashairi kuonyesha kwamba niliyoyataja hapo juu yanachochea uzinzi. Mkipata nafasi mnaweza kujisomea vitabu kama:
Kisiki Kikavu- Dkt.Aldin Mutembei.
Ua la Faraja- William Mkufya
Mpe Maneno Yake- Freddy Macha.

Kwanini kanisa linapiga vita matumizi ya Kondomu?

Kwenye karne ya tatu kanisa lilishambuliwa na falsafa ya Kigriki. Falsafa ya akina Aristotle na Plato. Hawa walianzisha mfumo wa kufikiri uliokuwa unatenga vitu vyote katika makundi mawili:
Matter
Spirit.

Matter, ni vitu vyote vinavyokufa kama mwili. Na spirit ni vitu vyote vinavyodumu kama roho. Kwa maoni yao vitu vinavyokufa (Matter) vilikuwa vitu vichafu, dhambi nk. Lakini vile vinavyodumu (Spirit) vilikuwa vitakatifu.

Falsafa hii iliuchukulia mwili na matendo yote ya mwili kama ngono kuwa ni machafu, ni dhambi. Mtu aliyetaka kuishi maisha ya kitakatifu, ilibidi aachane na matendo ya mwili.

Hata kwa watu wenye ndoa, ngono iliruhusiwa pale ilipokuwa inalenga kutunga mimba. Ili kushika utakatifu, watu walishauriwa kufanya tendo hilo bila kulifurahia.

Watu kama Pliny, walifikia hatua ya kuisifia tembo, maana ilikuwa ikiingia kwenye joto mara moja baada ya miaka miwili. Origen, aliamua kujihasi ili asifanye ngono na Plotinus, aliishi maisha yake yote akiona aibu kuwa na mwili.

Lakini mtu aliyeingiza chuki ya furaha ya tendo la ngono katika kanisa ni Mtakatifu Augustine (430). Huyu aliunganisha dhambi ya asili na furaha ya tendo la ngono. Alisisitiza kwamba ni lazima mbegu za uzazi zidondoke kwenye sehemu yake na ziwe zinalenga kutunga mimba. Mafundiso haya yaliwageuza wanawake kama vyombo vya uzazi – yaliwanyima haki ya kufurahia tendo la ngono na kuwa na haki sawa katika jamii. Mafundisho ya kanisa juu ya ndoa hadi leo hii yanafuata mafunfisho ya Mtakatifu Augustine.

Mwandishi Uta Ranke- Heinemann, wa Ujerumani katika kitabu chake cha Eunuchs For The Kingdom of Heaven, anatwambia kwamba Mtakatifu Thomas Aquinas, alifikiri kwamba kumwaga mbegu za kiuume kwenye nafasi tofauti ni dhambi kubwa kuliko mtu kufanya ngono na mama yake mzazi!

Msingi huu ndio unalifanya kanisa kupinga matumizi ya Kondomu, maana ukitumia kondomu, mbegu zinamwagika kwenye mpira na zinakuwa hazilengi kutunga mimba.

Enzi tulizomo hakuna mtu ambaye bado anaamini kwamba kila tendo la ngono ni lazima lilenge kutunga mimba. Hata Kanisa lo limepiga hatua na kuongeza kwamba mbali na kutunga mimba, tendo la ndoa ni muhimu katika kuimarisha na kuchochea mapenzi katika ndoa. Ila kwa vile kanisa linapinga uzazi wa mpango, linaendelea kupinga matumizi ya Kondomu.

Hoja na chamgamoto iliyombele yetu na mbele ya kanisa, ni kwamba hatuongelei juu ya kudondosha mbegu kwenye mpira au kufanya uzazi wa mpango. Tunaongelea juu ya kuzuia kusambaa kwa virusi vya UKIMWI. Ugonjwa ambao umepoteza mamilioni ya watu. Hivyo tunaongea juu ya kuulinda uhai.

HITIMISHO:

Kwa kuhitimisha, ningeomba kusema hivi: Ukiniuliza swali la haraka juu ya kuzuia maambukizi ya virusi vya UKIMWI kwenye kongamano au semina. Jibu langu litakuwa kwamba kinga ya kwanza ni Uaminifu, na kinga ya pili ambayo inaaminika zaidi ni Kondomu. Lakini ukiniuliza swali hilo hilo tukiwa tumekaa na kujadiliana kama tunavyofanya leo, kwenye jumuiya ya waumini, jibu langu litakuwa tofauti.

Nitakujibu hivi: Kinga pekee ya kuzuia maambukizi ya virusi vya UKIMWI, ni kubadilisha mfumo wa jumuiya zetu za kikristu, ni kubadilisha mfumo wa familia zetu ni mtu binafsi kubadilisha mfumo wake wa maisha.

Njia pekee ya kukinga maambukizi ya virusi vya Ukimwi, magonjwa mengine ya hatari na kukinga majanga mengine kama umasikini, ujinga, vita na upweke, ni kujenga jumuiya zinazoishi Utatu: Mungu Baba, Mungu Mwana Na Mungu Roho Mtakatifu. Ni kujenga familia zinazoishi utatu. Ni kila mtu kuishi maisha ya Utatu.

Kinga pekee ya kuzuia maambukizi ya virusi vya UKIMWI, ni kujenga jumuiya zinazojaliana, zinazojuliana hali, zinazochungana, zinazolindana na zinazowajibishana.

Jumuiya za Kikristu tulizonazo sasa hivi, familia za kikristu tulizonazo sasa hivi, ambazo zinatishiwa na ugonjwa wa Ukimwi na hatari nyinginezo, ni zile ambazo kila mtu yuko kivyake.Hakuna anayemchunga mwenzake, hakuna anayemlinda mwenzake na hakuna anayemwajibisha mwenzake. Kila mtu amejifungia katika nafsi yake:

Hakuna uwazi katika familia,
Hakuna kufunuliana katika familia,
Hakuna kushirikishana katika familia,
Hakuna kuchukuliana katika familia,
Hakuna kulindana na kuchungana katika familia.

Hivyo hivyo hakuna uwazi katika jumuiya zetu,
Hakuna kufunuliana katika jumuiya zetu,
Hakuna kushirikishana katika jumuiya zetu,
Hakuna kuchukuliana katika jumuiya zetu,
Hakuna kulindana na kuchungana katika jumuiya zetu.

Kila mtu anaufunga moyo wake na kubaki na siri nyingi ndani ya nafsi yake. Hata na mambo ya kawaida kama vile kupenda yanafanywa siri. Mambo kama tamaa, uchu, furaha,uzuni nk, yanabaki siri ndani ya moyo wa mtu. Kuna waandishi wengi, mfano kama Elieshi Lema (Parched Earth) wameandika juu ya ya tabia hii ya mtu kujifunga ndani ya nafsi yake. Mkipata nafasi mnaweza kujisomea vitabu hivyo kikiwemo cha “Parched Earth”. Mtu anayeufunga moyo wake hawezi kufanikiwa kutengeneza familia ya kuishi Utatu. Na kama hakuna familia za kutengeneza utatu, ni vigumu kuwa na Jumuiya zenye kuishi utatu.

Bila kuwa na Jumuiya zenye kuishi utatu, ni lazima tuandamwe na majanga mengi. Si Ukimwi peke yake. Leo tunaongelea UKIMWI, lakini kesho na keshokutwa yatakuja majanga mengine katika jamii yetu. Ni lazima tuwe na mfumo imara na wa kudumu kuweza kuyakabili majanga yanayoweza kutukumba kimwili na kiroho.

Bwana wetu Yesu anasema hivi:

“Naomba ili wote wawe kitu kimoja. Baba! Naomba wawe ndani yetu kama vile wewe ulivyo ndani yangu nami ndani yako. Naomba wawe kitu kimoja kusudi ulimwengu upate kuamini kwamba wewe ulinituma” ( Yohana 17: 21.

Maneno haya ya Yesu, yanaeleweka vizuri ukiyaunganisha na yale ya Yohana 5: 19-20.

“Kweli nawaambieni, Mwana hawezi kufanya kitu peke yake; anaweza tu kufanya kile anachomwona Baba akikifanya. Maana kile anachofanya baba, Mwana hukifanya vile vle. Baba ampenda Mwana, na humwonyesha kila kitu anachokifanya yeye mwenyewe,tena atamwonyesha mambo makuu kuliko haya, nanyi mtastaajabu”.

Yesu, alikuwa akielezea uhusiano wake na Mungu Baba. Jinsi yalivyo maisha ya uwazi. Hakuna siri kati yao. Analolijua Mungu Baba, analijua Mungu Mwana, na analijua Mungu roho mtakatifu. Hii ndiyo maana ya Mwana kuwa ndani ya Baba na Baba kuwa ndani ya Mwana na wote wawili kuwa ndani ya Roho Mtakatifu. Wanaishi maisha ya utatu, katika uwazi na kufunuliana. Uwazi huu unawafanya waungane na kuwa kitu kimoja.

Yesu, anatuombea na sisi kuishi maisha ya Utatu. Kuishi maisha ya uwazi. Tuwe ndani ya Yesu, nay eye awe ndani yetu na sote tuwe ndani ya Baba. Tuwe na familia zenye kuishi utatu. Baba ndani ya familia amjue mama, na mama amjue Baba. Baba ajifunue kwa mama, na mama ajifunue kwa Baba. Hata kama baba anavutiwa na mwanamke mwingine, au mama anavutiwa na mwanaume mwingine, wafunuliane! Kwa njia hii wanaweza kulindana, kuchungana, kuchukuliana na kusaidiana. Ni katika uwazi na kufunuliana familia inaweza kuungana na kuwa kitu kimoja.

Baba na mama wakichukuliana, wakafunuliana, wakalindana na kuchungana, wanajenga mfumo wa kuwalinda na kuwachunga watoto wao. Watoto watakua katika uwazi na kutembea katika mwanga. Watafundishwa maadili mema bila ya matatizo na kuwa sehemu ya familia inayoishi utatu.

Familia zilizoungana na kuwa kitu kimoja, zinatengeneza jumuiya iliyoungana na kuwa kitu kimoja. Jumuiya ikiungana na kuwa kitu kimoja, ni lazima pawepo kufunuliana, kujaliana, kulindana, kuchungana na kusaidiana.

Jumuiya inayoishi Utatu, ndiyo inayoweza kupambana na majanga makubwa kama UKIMWI. Kwa ufafanuzi zaidi juu ya Jumuiya inayoishi Utatu mnaweza kujisomea kitabu cha Marehemu Askofu Christopher Mwoleka: “The Church as a Family”

Yote niliyoyasema yanawezekana pale tu ambapo kila mmoja wetu, kila mwanausharika na kila mtanzania, atasali sala kama ile ya Bwana Sufi Bayazid:

“Nilipokuwa kijana mwanamapinduzi, sala yangu pekee kwa Mungu ilikuwa: ‘Mungu, nipatie nguvu na uwezo wa kuubadilisha ulimwengu’

“Nilipofikisha umri wa mtu mzima na kugundua kwamba sijafanikiwa kuibadilisha roho hata moja, nilibadilisha sala: ‘Mungu, nipatie nguvu na uwezo wa kuwabadilisha watu wanaonizunguka, familia yangu na marafiki zangu’

“Sasa ninapozeeka, bila kufanikiwa kuubadilisha ulimwengu sala yangu imekuwa: ‘Mungu, nipatie nguvu na uwezo wa kujibadilisha mimi mwenyewe’

“Kumbe ningesali hivi tangia mwanzo, nisingepoteza muda wangu bure” (The Song of the Bird – uk 153 – tafsiri ni yangu).

Kama anavyosema Sufi Bayazid, tusiweke nguvu nyingi katika kutaka kuyabadilisha maisha ya wengine, kabla ya kubadilisha maisha yetu sisi wenyewe. Hivyo basi kinga pekee ya kusambaa kwa virusi vya Ukimwi, ni kila mmoja wetu kubadilisha maisha yake mwenyewe. Ni kila mmoja wetu kujinyoshea kidole. Kwa njia hii tunaweza kuulinda na kuutetea uhai!

Kristu yu hai, jana, leo, kesho na hata Milele.

Asante sana kunisikiliza.

Na,
Padri Privatus Karugendo
e-mail:pkarugendo@yahoo.com

Marejeo:

Agano jipya – injili ya Yohana.
Kisiki Kikavu- Dkt Aldin Mutembei
Ua la Faraja- W-Mkufya
The Song of the Bird – Anthony de Mello
AIDS-Petit Echo- Fr.Bernard Joinet.
Eunuchs For The Kingdom of Heaven,1991.- Uta Ranke-Heinemann
HIV/AIDS Challenges for Professionals- Fr.Privatus Karugendo, 2002
The Church as a Family- Late Bishop Christopher Mwoleka.
Mpe Maneno Yake- Freddy Macha.
Parched Earth – Elieshi Lema.

Natia jembe Mpini

2007-06-06T10:56:00.000+02:00

Nimekuwa kimya muda mrefu na niliondoka bila kuaga. Sasa narejea, nasema natia jembe mpini nirudie kazi yangu. Naendlea na kublog sasa. Samahani kwa kupotea bila taarifa

Makala ya Karugendo Kumuaga Chachage

2006-07-29T10:16:00.000+02:00

Padre Karugendo kaandika makala kuhusu prof. Chachage. Yeye anasema anamlaumu sana Chachage. Ni muhimu uisome ujue anamlaumu kwa nini. Naibandika hapa

Tenzi za Kumuaga Prof. Chachage

2006-07-19T13:06:00.000+02:00

Prof Shivji na Jenerali Ulimwengu waliandika tenzi za kumuaga Prof. Chachage. Unaweza kusoma wa Shivji kwa kubonyeza hapa na wa Ulimwengu kwa kubonyeza hapa

Buriani Prof. Chachage

2006-07-17T18:40:00.000+02:00

Mengi yameshaandikwa na kusemwa kuhusu Marehemu Prof. Chachage aliyetutoka hivi karibuni. Mwanazuoni huyu ambaye hakuendekeza kabisa uvivu wa kufikiri ametutoka katika kipindi ambacho kwa vyovyote watu walikuwa wakitaraji mengi toka kwake. Lakini hata hivyo katuachia mengi ya kusoma. Siku za nyuma niliuliza ni wangapi walikuwa wamesoma Makuhadi wa Soko Huria. Kitabu alichoandika Prof. Chachage mwaka 2002. Ukikisoma pamoja na vitabu vyake vingine kama Sudi ya Yohana na Almasi ya Bandia ndipo utamwelewa msimamo wake na uwezo wake wa kufikiri. Jenerali Ulimwengu na Issa Shivji wameandika tenzi kwa ajili ya kumbukumbu ya Chachage. Nitaziweka hapa ili wengi wazisome.

Mkataba wa IPTL na sheria ya Takrima imetufunza nini?

2006-05-16T09:12:00.000+02:00

Kwa wiki kadhaa sasa tumekuwa tukijadili na kufurahia sana kufutwa kwa sheria ya Takrima na Ile ya kumzuia mgombea binafsi. Lakini kuna uwezekano wa hawa jamaa wakarudi mahakama ya rufaa kukatia rufaa rushwa. Pia tumeisoma taarifa jinsi tulivyoingizwa pabaya na Wamalasia na Watanzania wenye uroho wa pesa kwenye mkataba wa IPTL. Inabidi katika mviringo wetu wa Blogu pamoja na kwenye magazeti tuanze kujadili kwa kina kabisa baadhi ya wahusika ili jamii iwajue. Kwa mfano; Andrew Chenge, aliyekuwa mwanasheria mkuu wa Serikali ametajwa kama mhusika mkubwa sana kwenye IPTL. Alihusika kwa mambo mawili; kwanza kama mwanasheria mkuu wa Serikali ofisi yake inahusika na kutoa ushauri kwa serikali kwa mambo yote ya kisheria; lakini la pili ni kwamba alikuwa kikwazo katika kutoa pingamizi la kukamatwa kwa Rwegamarila ashitakiwe kwa rushwa kwa kudai hakuna ushaidi.

Hakuna ubishi kwamba Chenge na ofisi yake ni mhusika na Mhandisi wa Sheria ya Takrima. Alikuwa anaitetea kweli. Wakati mwingine alikuwa akiwatukana wabunge waliokuwa wakihoji hiyo sheria. Ni kweli kwamba sheria hiyo imemsaidia kuingia tena bungeni sasa. Jamani mtu huyu tena kapewa wizara ya Afrika mashariki. Hii ni wizara ambayo inahitaji umakini mno. Tunaongelea ushirikiano na baadaye shirikisho. Katika kipindi cha Mpito kutakuwa na makumi ya mikataba. Chenge anaweza kuisimamia?

Chenge na ofisi yake pia wanahusika na mikataba yote mibovu ambayo sasa Serikali inakiri kwamba itarekjelewa upya. Sasa sijuhi kama atatuvusha katika jahazi hili la ushirikiano wa Afrika Mashariki. Ni lazima mambo haya yavaliwe njuga.

Kina Galileo wasingehoji tungekuwa wapi?

2006-05-14T11:39:00.000+02:00

Ndani ya blogu hii kuna habari ya Askofu kuzaa mtoto na kujificha. Hoja hiyo imejadiliwa sana. Baadhi ya watoa maoni wanaonyesha ni jinsi gani wanavyotaka mawazo mgando yaendelee. Hasa yale yahusuyo imani. Hivi kama kina Galileo wa Galileo hawakuhoji baadhi ya mambo bado leo tungeambiwa dunia ni mstatili na jua linazunguka toka mashariki kwenda magharibi? Kama hawakubali adhabu ya kifo kwaa kuhoji leo tungekuwa wapi? Nimeamua kuweka hapa chini maoni ya mmoja wa wachangiajia ambaye hataki watu wahoji uhalali wa papa anayeongoza watu zaidi ya bilioni moja kuchaguliwa na wazee wanaume wasiozidi mia moja. soma sehemu ya maoni hayo hapa chini.

"Nakumbuka uliwahi kuandika katika gazeti la Rai ukihoji uhalali wa uchaguzi wa Baba Mtakatifu anaye chaguliwa na Makardinali na kuongoza kanisa zima! Wewe ni Padri mkatoriki unaye hoji uhalari wa Baba Mtakatifu?! Zaidi umehoji ukweli wa mafundisho ya Kanisa Katoliki kuhusu utumiaji wa Kondomu. Kama "Padri" wa kwanza mkatoriki umeunga mkono matumizi ya Kondomu, kama kinga dhidi ya Gonjwa hatari la Ukimwi.Haya yote yamekupatia sifa katika ulimwengu unaopinga msimamo wa Kanisa katoliki katika masulala mbalimbali yanayo husu maadili"

Mambo sasa yameanza kubadilika. Huko Uchina wamebariki maaskofu katoliki bila mkono wa Vatican. Wametolewa macho lakini wachina wameendelea. Huko Marekani wamemkabidhi uaskofu mtu aliyeoa. Sasa hapo ndipo utaona watu wameanza kuhoji na kutekeleza mambo ambayo awali yalikuwa mwiko kuyahoji. Miaka ya sitini Mwanaharakati Malcom X, katika moja ya hotuba zake alisifia sana Uchina kwa kuwa nchi ambayo ilikuwa ikifanya maamuzai yake mengi bila kuwasikiliza mabwana wa magharibi na mavyombo yao yanayoitwa UN, Benki ya Dunia, IMF nakadhalika. Alibashiri kwamba China ingeendelea sana. Sote tunaona yanayotokea China. Sasa wameanza kuchoka na kutawaliwa na Vatican. Baada ya kukubali dini za kigeni kwa mbinde sana sasa wameanza kujichukulia maamuzi yao wenyewe. Wacha watu wahoji. Kama watu wasingehoji basi tungekuwa mbali sana.

Ripoti ya Transparency International kuhusu IPTL na Tanesco

2006-04-21T18:21:00.001+02:00

Nimepata kupitia barua pepe yangu taarifa iliyotolewa na transparency international kuhusu lile dude la Tegeta linalogharimu serikali shilingi bilioni tatu kila mwezi (hapa ni wakati ambapo halijawashwa) Likianza kutoa umeme tuu unalipa bilioni tatu za kila mwezi na kulipia umeme watakaokuuzia. unaweza kuisoma hapa

Urasimu Mpaka lini?

2006-04-13T11:06:00.000+02:00

Kuna Mtanzania mmoja anayeishi nchini Marekani ameandika maoni kwenye blogu yangu jinsi urasimu ulivyo kwenye pasipoti mpya. Nachapisha maoni yake hapa chini. Je na wengine mmepata matatizo kama haya? Lazima nikiri kwamba mimi binafsi sikupata tatizo lolote lakini sipo Marekani. Nipo Kusini.

Urasimu mpaka marekani!! Mimi ni mgeni kwenye blog yetu hii na ni mtanzania ninayeishi marekani.Kuna jambo moja linalosumbua vichwa sana hasa kwa tuliopo huku,jambo hili ni urasimu ulikithiri kwenye ubalozi wetu wa huku.Ni swala la passport mpya ambazo tumelipishwa fedha nyingi kwa kufanya process ya kubadilisha,kuna state tumelipa karibu dollar 95(laki na upuuzi kwa fedha zetu za madafu).Toka mwezi wa sita/saba 2005 kwa malengo ya kutumiwa kwenye address zetu by sept/octoba 2005.Cha kushangaza sana ni kuwa huyu ndugu wa marehemu Sokoine alitumia nafasi hii kujitengenezea fedha kisha kuingia mitini.Kama tulilipa ghalama zote ili passport zetu zitumwe kwenye makazi yetu,inakuaje tena tunatakiwa tuzifuate washington?Waliojaribu kwenda DC walitakiwa kutoa hongo ili kupata passport zao.This is bullshit wewe bwana sokoine,tambua kuwa fedha zile watu hawakuziokota bali ni kuzifanyia kazi.Keep in your freak-ass mind,next time unakuja Kansas,tegemea kukabiliana na bakora za maana.Acha kuharibu jina la marehemu wewe,na kama ulihitaji fedha ungesema mapema tukatafuta njia ya kukusaidia.

Askofu akumbushwa Mwanae

2006-04-04T19:41:00.000+02:00

Mwenye kumwandikia baruapepe hii Askofu Severini ameniambia niiweke kwenye blogu ili watu wengine wasome kwamba "Baba Askofu" ana mtoto huko Arusha.

Date:
Wed, 15 Feb 2006 02:00:45 -0800 (PST)
From:
"Antiparth Martin"
Subject:
Mkunde!
To:
niwemugizi@iwayafrica.com
CC:
nunzio@cats-net.com, nyumba@cats-net.com, tec@cats-net.com
HTML Attachment [ Download File Save to Yahoo! Briefcase ]

Mtumishi wa Mungu, Askofu Severine Niwemugizi, Askofu wa Jimbo Katoliki la Rulenge na Mwenyekiti wa Baraza la Maaskofu Katoliki Tanzania.
Tumsifu Yesu Kristu.

Mtumishi wa Mungu,
Pole sana kwa kazi nyingi ya kuchunga kondoo. Bwana akubariki na kukuzidishia moyo mkuu. Ninakuandikia ujumbe huu kukumbusha jambo moja:

Unakumbuka siku chache kabla ya kuchaguliwa kuwa Askofu wa Jimbo Katoliki la Rulenge, ulizaa mtoto na Consolata Kyala, dada yake na Padri..... wa Jimbo Kuu la Dar-es-salaam. Padri huyo alikutunzia siri, na sisi tukanyamaza! Mtoto wako Mkunde, anaendelea kukua na sasa anasoma shule Maji ya Chai Arusha.

Ili Consolata Kyala, akae kimya, ulimjengea nyumba kule Maji ya Chai Arusha. Sasa hivi anaishi kwenye nyumba hiyo na mme wake Antiparth Martin. Hapo hapo anaendesha biashara ya Bar ijulikanayo kwa jina la Holiday Inn.

Tumesikia tetesi kwamba hivi karibuni utateuliewa kuwa Askofu Mkuu wa Jimbo Kuu la Tabora. Tunafikiri ni jambo la muhimu na la lazima, viongozi wa Kanisa kufahamu kwamba wewe una mtoto. Ofisi ya Askofu Mkuu ni kubwa na yenye kudai maadili ya Kanisa Katoliki.

Viongozi wa kanisa wanaweza kupuuzia jambo hili. Nawe pia unaweza kupuuzia jambo hili. Kwa vile siku hizi sayansi imepiga hatua, tutasisitiza ipimwe DNA yako na ya mtoto Mkunde. Tunataka watanzania wajue ukweli huu na ulimwengu ujue ukweli huu.

Ni matumwaini yetu kwamba utaupokea ujumbe huu na kuwajibika ipasavyo.
Tunakutakia moyo mkuu.

Kwa niaba ya waumini wenye upendo na kanisa katoliki wa Maji Chai-Arusha.
Ni, wako katika Upendo wa Kristu.
Antiparth Martin.

Mawaziri wetu

2006-03-14T13:31:00.000+02:00

Niliposoma habari kwamba mawaziri wanalala Hotelini kwenye Blogu ya Da Mija nilitoa maoni kwamba sikushangaa kwa hilo. Sababu ya kusema hivyo ni kwamba nilitarajia. Kwa nini nisingetarajia kwa sababu nyumba zote ziliuzwa? Wakati nashangaa hilo nakutana na habari kwamba mmoja wa naibu waziri ambaye alikuwa akifanya kazi nchini Botswana kama mwalimu kwenye chuo kimoja cha kilimo na kujifanya anaumwa sana kumbe wlikwenda kwenye kampeni. Alikuwa akilipwa mshahara huku akiwa anapiga kampeni. Nimeikuta hii habari kwenye barua pepe yangu labda wengine mmeisoma lakini niiweke muione. Hii ni kashfa ya hali ya juu sana. Kingine ni kwamba huyu jamaa kuna watu wanahoji shahada yake ya PHD kaipata wapi? Kwenye maelezo yake binafsi katika tovuti ya bunge anadai Free State University. Kuna watu wamejaribu kuitafuta hii University ilipo lakini haijaonekana. Soma habari hii hapa chini:

Tanzanian minister on Botswana's payroll?
by Sarah Mophonkolo
2/14/2006 7:39:04 AM (GMT +2)
A Tanzania deputy minister may still be drawing a salary from Botswana
government almost eight months after he returned to his native country.
Authorities were this week sent in to a frenzy at the shock revelation
that Dr. David Mathayo David (37) who was employed as a lecturer in
agriculture at the Serowe College of Education, was in fact paid to
fund
his political campaigns last year. !

College Principal Caiphus Dema said they did not know that David was
involved in politics. "What we know is that he went on a three week
sick
leave last year in June. He said he wanted to be close to his family.
When the leave was over he applied for an extension a number of times
saying he was still very sick," Dema said.
A reliable source has alleged that David is still on government!
payroll. "He is still getting paid as he is still considered an
employee
of the college," she said. Nevertheless, Dema said he doubted that
David
was still getting paid. "He said he was considering resigning as he was
too sick to work," Dema said. He said when he did not return, they went
to his house sometime last year to reclaim the school furniture. "It
did
not appear as if he had left any of his belongings," Dema s! aid.

David became a Member of Parliament for Same Magharibi (West)
constituency under the ruling party, Chama Cha Mapinduzi ticket after
the October parliamentary elections. He was subsequently appointed
Deputy Minister of Industry, Trade and Marketing December 28 last year.
Approached for comment, the Teacher Service Management (TSM) referred
us to the Department of Teacher Training and Development. The Deputy
Director, Tebogo Mongatane, requested a questionnaire last week saying
she feared being misquoted. She had promised to answer the
questionnaire
as soon as it was sent. Nevertheless, a follow-up on Friday afternoon
found she had 'other important obligations.'

On Monday afternoon she sent a res! ponse advising us to "direct
these
questions to TSM, who are employer and are responsible for all
employment matters affecting teachers." Efforts to reach David for
comment proved futile.
_______________________________________________________

Comments za watu wa karibu na mweshimiwa:
Hii habari inatia woga kidogo. Ukiisoma inaonyesha Naibu Waziri sio
mkweli.

Alimdanganya mwajiri wake kuwa anaumwa kumbe yuko kwenye harakati zake
za kisiasa. Hapa kidogo panatia shaka kama hatamdanganya Mheshimiwa
Rais
kwenye wadhifa wake mpya alionao mradi mambo yamwendee.

Huyu jamaa kuna sehemu nyingine wanamjadili pia, wanasema elimu yake
iliyoonyeshwa kwenye website ya bunge sio kweli. Naanza kuamini kuwa
hata kwenye sifa zake ametia chumvi kama style yake ndio hii. Nanukuu
"Mh. Mathayo David Mathayo (naibu waziri wa biashara na viwanda),
alisoma SUA degree ya wanyama (Ba! chelor Vet. Medicine) kati ya
1992-1997 na tulikuwa tunakaa naye Hall moja pale na nilimwacha pale,
na
baaada ya hapo alifanya kazi kidogo Botswana na akarudi nyumbani
kujiunga na! NEC ya CCM (kutokea kundi la vijana), sasa cha kushangaza
hivi sasa ana PhD ambayo haijulikani kaipatia wapi na lini, mwanzo
nilifikiri wanamwita Dr . kutokana na field yake wanyama kumbe
nilipopitia CVs za wabunge, nimegundua naye kapata PhD from Free State
University(kwa kifupi hii university haipo ni feki-jaribuni ku-google
wenyewe). Tena kwa kifupi hana hata Masters degree jamani, sishangai
kupewa wizara nyeti bali kinachoikumba Kenya kipo njiani kuja Tanzania,
hii ndiyo ! labda kasi ya kundi la vijana katika kujiingiza kwenye
siasa
kwa mbwembwe za kwamba waonekane wasomi haswa"
___________________________________________________________
mmmmh!, mambo ya bongo hayo!

Kuadi wa soko huria atoswa

2006-03-06T16:31:00.000+02:00

Waziri Mkuu wa Libya bwana Shukri Ghanem ametemwa kazi yake japokuwa alikuwa akipata umaarufu mkubwa toka sekta binafsi. Kamati inayoshughulika na sera za Serikali inasemekena kutopenda mageuzi makubwa aliyotaka kuyafanya ya kuuza kila kitu. Soma habari hiyo hapa

Afrika haitaji msaada wa Chakula

2006-02-16T19:26:00.000+02:00

BBC iliendesha mdahalo mzuri sana kati ya Nicholas Crawford toka WFP na Tajudeen Abdul-Rahem Wa Justice Afrika kuhusu chakula barani Afrika. Jamaa wa Justice Afrika anadai kwamba hakuna haja ya Afrika kupewa msaada wa chakula na anajaribu kuelezea kiini cha tatizo la njaa barani Afrika na jinsi misaada inavyolemaza bara hili. Mzungu wa WFP anatetea umuhimu wa msaada wa chakula. Kwa kweli nakusihi usome mdahalo huo hapa. Ni mdahalo mzuri mno.

Kuua Mwenzi wako ni upendo?

2006-02-16T12:48:00.000+02:00

Nchi ya Botswana imekumbwa na ongezeko la mauaji yanayotokana na wanaume kuwaua wapenzi wao. Mwaka 2005 peke yake inasemekana kulitokea vifo sabini. Wenyewe siku hizi wanaita "Passion Killings". Botswana ni nchi ndogo- si kwa ukubwa wa eneo bali kwa idadi ya watu. Ina watu wapatao milioni moja na laki sita tuu. Halafu maambukizi ya Ukimwi ni ya kutisha. Takwimu zinaonyesha kwamba ni asilimia 40 ya watu wazima walioambukizwa. hapohapo kuna ongezeko kubwa la vifo kutokana na ajali nyingi shauri ya uendeshaji mbovu hasa kutokana na kunywa pombe kupindukia. Sasa haya mauaji ya kina dada tena inaongezea idadi ya vyanzo vikuu vya vifo yaani UKIMWI na Ajali. Ni hatari. Wanaume hawa mara nyingi wakishaua nao hujiua kwa vile wanajua watakuja kuhukumiwa adhabu ya kifo. Soma habari hiyo hapa

Naanza safari ya kuhama

2006-02-15T18:45:00.000+02:00

Nimeanza kuhamia kwenye wordpress. Siku tatu zilizopita nilikuwa nashindwa kabisa kuingia kwenye blogger.com ili niweze kuandika mambo kwenye blogu. Pamoja na hayo nimepokea ushauri wa Ndesanjo kuwa wordpress inaendana na mabadiliko mapya yanayotokea kila mara. Unaweza kunisoma kwa kubonyeza hapa. Nitaendelea kuweka viungo vya blogu na mambo mengine taratibu.

Maisha yetu baada ya Miaka 50

2006-02-15T12:26:00.000+02:00

Kwa wale wasomaji wa makala za Padre Karugendo, naweka makala yake moja ambayo aliiandika kama changamoto kwa waliofikisha umri wa miaka 50 mwaka huu. Yeye ni mmojawapo wa hao waliofikisha umri huo. Unaweza kuisoma kwa kubonyeza hapa

NEPAD ubeberu mpya

2006-02-15T11:24:00.000+02:00

Kuna mjadala sasa kwamba hili dude linaloitwa NEPAD ni aina mpya ya ubeberu ambapo Afrika ya Kusini inatumia kupeleka mitaji katika nchi nyingine za Afrika. Kuna bwana mmoja kaandika kitabu juu ya hili. Lakini hata kusingekuwa na hicho kitabu hili ni jambo la wazi kabisa. Ukiangalia changamoto wanazokabiliana nazo hawa jamaa wa Afrika ya kusini utagundua kwamba ni ukweli mtupu. Baada ya ule mfumo wa kibaguzi kwisha mwaka 1994 ilibidi watafute nafasi ya kuwakuza kiuchumi weusi. Njia rahisi ilikuwa ni kuwatafutia weupe nchi za kupeleka mitaji yao ili nafasi ibaki nchini mwao kuwasaidia weusi. Nchi nyingi za kiafrika zimeingia kwenye makubaliaono hayo bila kuona janja ya hawa jamaa. Tatizo ni kwamba biashara inakuwa ya upande mmoja. Nchi nyingi sana hazina mtaji wa kuwekeza Afrika ya kusini. Kwa hivyo tutawasidia kupunguza matatizo yao huku hizo sera zikiwa hazisaidii sana nchi zingine. Wanapotoka kwenda nje hawana mpango wowote wa kuendeleza nchi wanazowekeza. lao ni kupata faida na kuondoka. Ubeberu huu mpya sijuhi utatufikisha wapi.

Gregory yuko wapi?

2006-02-15T11:17:00.000+02:00

Nilikutana na binti mmoja ambaye tulikuwa wote Jeshi la Kujenga Taifa (Ndesanjo huliita la kubomoa taifa) akaniuliza: Hivi Gregory yuko wapi siku hizi? Nikamuuliza Gregory gani? Akanishangaa akasema kumbe urafiki wenu uliishia jeshini? Nikamuuliza jina lake la pili ni nani? Akaniambia Macha. Ohh!! Nikamwambia nimemkumbuka sasa. Nikamwambia kwamba Macha alirudisha jina lake la Gregory kwa Mchungaji wake kama mmoja wa wahusika katika kitabu cha Pambazuko Gizani alivyotaka kurudisha jina lake la Paulo kwa Padre. Binti wa watu hoi. Nakumbuka Macha alipokuwa kwenye jitihada za kurudisha jina lake alikuwa akinishambulia kila siku nirudishe la kwangu pia ikiwa ni ishara ya ukombozi mpya. Kabla ya kurudisha jina lake Ndesanjo alikuwa akiitwa Gregory!!!

Ilikuwa lazima Yesu afe?

2006-02-15T11:07:00.000+02:00

Rafiki yangu mmoja ameniacha hoi aliponiuliza kwamba; hivi Mungu alikosa njia nyingine ya kumkomboa mwanadamu mpaka amtume Mwanae wa pekee afe kwa ajili ya dhambi zetu? Kulikuwa na ulazima wa damu kumwagika? Huyu jamaa yangu yeye si mfuasi wa dini za kuja kwa hivyo nikaona kwamba pengine anauliza mambo hayo kwa ajili hiyo. Baadaye nikaingia kwenye mjadala mwingine na jamaa mmoja mfuasi mzuri wa madhehebu ya kikristo. katika maongezi yake akasema angekuwa rais wa dunia angewaua watu wa jinsia moja wanaotaka kuooana. Jamaa akambana hivi wakristo mnaua? Nikapata jibu langu la awali la kwa nini Yesu afe? Jamaa alisema ndio maana Mungu alimtuma Yesu aje afe kutoa ishara kwamba hakuna ukombozi pasipo kumwaga damu!!

umeshasoma Makuhadi wa soko Huria?

2006-02-09T11:25:00.000+02:00

Kama hujakisoma basi umekosa mengi. Nilikisoma mara ya mwanzo mwaka 2003 nikakirudia 2004 nimemaliza kukirudia tena mwaka huu. Chachage si mchezo. Ameandika. Ni riwaya yenye matukio yanayoendana na hali halisi ya Tanzania. Ukikisoma huwezi kushangaa kwa nini Chinua Achebe alikimbia nchi baada ya kitabu chake cha A man of the people. Alimaliza kitabu chake kwa kuonyesha kwamba jeshi limepindua nchi. Na ikapinduliwa baada ya muda mfupi. Wengi walidhani alihusika. Lakini wapi mwenyewe anasema ni kule kuisoma jamii na kuielewa. Chachage ndivyo alivyoielewa jamii ya Tanzania. Amegusa kila eneo; usanii wa wabunge; rushwa mahakamani; waandishi wa habari kuingizwa mtegoni; na mengineyo. Kitabu kina historia nzuri sana. Kuna michapo ambayo hutajutia wala kitabu hakitakuwa kirefu kukisoma. Mchapo wa mzungu kala fenesi kwa mfano au wa padre huko Musoma ambaye aliamua kumpa mtoto shilingi mia na mama shilingi 20! Soma tafadhali. Utakutana na jinsi Salama mke wa Mjuba alivyoamua kumpa mwanae jina la Mchungaji anayeombea vita huko Marekani baada ya kuokoka. Kitabu kimekamilika. Ujuhadi unavyofanywa na watu wenye nyadhifa. Elimu waliyo nayo waze wetu nakadhalika ni mambo ambayo yamesheheni ndani ya kitabu Hicho. Soma Makuhadi wa Soko Huria ufaidi.

Mambo mengine! sijuhi tuanzie wapi

2006-02-01T19:47:00.000+02:00

Mimi huwa ni kipofu wa dini. Inakuwa ngumu sana kwangu kumuuliza mtu dini yake au hata kuhisi kutokana na jina kwa sababu nimesoma na watu wenye majina ya kizungu ambayowengi huita ya kikristo lakini baadaye nikaambiwa ni waislamu wengine wenye majina ya kiarabu ambayo huitwa ya kiislamu baadaye naambiwa ni wakristo. Sasa huwa sichukulii jina kama kigezo kabisa. Sasa baada ya mawaziri kutajwa hapo Januari wengi wetu tulianza kujadili sifa zao. Lakini kuna jamaa wengine wameniacha hoi sana. Wanasema; wewe huoni Wizara nyeti zote kawapa waislamu? Angalia Fedha, Mambo ya nje akataja na Wizara nyingine lakini sikutilia maanani. Nikamuliza? Hivi Wizara kuwa nyeti maana yake ni nini? Au kwa mfano Kikwete alipokuwa Waziri wa mambo ya nchi za nje kwa miaka kumi ambayo ni moja ya wizara nyeti kutokana na hao wanaodai hivyo waislamu walifaidi nini? Nilishangaa nikagundua kwamba kuna safari ndefu. Baadhi ya takwimu zinaonyesha kwamba Tanzania ina asilimia 35 ya ambao si waislamu wala wakristo. Hawa watapewa wizara ipi? Na hizo takwimu za wakristo na waislamu pwngine zinafuata majina na nyingine ni za zamani. Kwa mfano kuna maelfu ya watanzani wenye majina ya kikrito na kiislamu(kama yapo) ambao hawako kwenye hizo dini au walishajiondokea na kujichukulia ustaarabu wao. Tukiendelea na huu uhayawani tutafika mahali kila dhehebu litake kuwa na waziri. Na kuna madhehebu karibu 400 ya kikristo tuu Tanzania. Sijuhi itakuwaje. Lakini hao ambao hawako kwenye hizi dini mbili nani atawawakilisha? Ndesanjo kaongelea kiapo kwa kutumia vitabu; kitukufu na kitakatifu. Suala linarudi niliyowahi kusema huko nyuma: elimu ya dini

Tumepoteza maelfu ya miaka ya elimu

2006-01-19T19:04:00.000+02:00

Hivi lile Sakata la kufukuzwa kwa madaktari limeishia wapi? Kama wote walifukuzwa basi ni kwamba taifa limepata hasara ya maelfu ya miaka iliyowekezwa kwenye elimu. Tunaambiwa kwamba, kila mwaka mmoja wa elimu mtu anaopata unaongeza ufanisi katika utendaji kazi ambao hutoa mchango katika ukuaji uchumi na kuongeza maslahi ya anayepata elimu hiyo. Kwa kifupi ni kwamba rasilimali watu ni mtaji mkubwa mno katika ukuaji wa uchumi. Kwa nchi yenye watu wachache wenye elimu ya chuo kikuu kama Tanzania, kufukuza madaktari 200 waliosoma kwa wastani wa miaka 19 kila mmoja ni hasara kweli. Ngoja niweke tarakimu rahisi kabisa. Chukua miaka 7 ya shule ya msingi, halafu ongeza 6 ya sekondari, kisha ongeza mitano ya shahada ya kwanza ya udaktari na mwisho ongeza mwaka 1 wa mafunzo ya vitendo (Internship) inakupa jumla 19 kwa kila mmoja. Sasa ukizidisha miaka 19 kwa watu 200 unapata miaka 3,800 (Elfu tatu na mianane). Kwa hivyo miaka yote hii imepotea. Wakiamua kwenda kufanya kazi nchi nyingine, nchi hizo zitafaidi sana hiyo miaka 3,800 ya elimu. Kwamba walikuwa na haki ya kugoma au la ni mjadala mwingine. Leo nimejadili idadi ya miaka ya elimu itakayopotea kwa kufukuza madaktari 200.

Vyama Viendeshwe na wanachama

2006-01-19T19:01:00.000+02:00

Ule uchaguzi wa mwaka jana umetoa funzo gani kwa vyama vinavyoitwa vya upinzani?( Sipendi hili neno upinzani; tuviiteje? Shindani?). Kwanza kabisa ingebidi wajifunze kwamba ruzuku haiwasaidii bali inawamaliza. Unajua ruzuku ndio inayofanya kila chama kitake kuweka mgombe wake ili angalau kipate mbunge na hatimaye ruzuku? Sisemi kwamba kuna vyama ambavyo vinaweka wagombea kwa sababu nyingine nje ya ruzuku. Ukiangalia kiundani kabisa ruzuku haifaidishi upinzani bali chama twawala. Katika ruzuku ya shilingi bilioni nane kwa mwaka CCM itaondoka na zaidi ya bilioni saba halafu kitakachobaki jamaa watagawana. Turudi kwenye hali halisi; ukitoa CCM ni chama gani kingine kinaweza kujigamba kwamba ruzuku inasaidia katika kampeni au katika kuimarisha chama? Ni asilimia ngapi kwa mfano ya fedha za kukodi helkopta ya CHADEMA ilitokana na ruzuku?

Ukweli ni kwamba kwanza kabisa chama ni kikundi cha watu wenye mwelekeo unaofanana au wanakubaliana kiitikadi. Kama ni kikundi basi inabidi kiendeshwe na hao wanachama. Hakuna haja ya kila mtanzania kuendelea kuendesha vyama ambavyo ni vya watanzania wachache sana. Hivi ni asilimia ngapi ya watanzania ni wanachama wa vyama vya siasa? Hili tulivalie njuga ili hii ruzuku ifutwe. Sioni kama eti ruzuku inasaidia kukuza vyama na hatimaye demokrasia. Kwanza hili suala la kufikiria demokrasia ni vyama vingi sijuhi limetoka wapi. Hata kama pesa hizi kinadharia zina lengo la kuimarisha vyama basi kinachoimarika ni kimoja tuu. Hata kama vingeimarika vyote, viimarishwe na wanachama wenyewe. Wanaopenda vyama wavichangie.

Hivi vyama vya upinzani ingebidi vianze kuchimba masuala ya msingi ambayo yanafanya CCM kuwa na uwezo mkubwa wa kifedha. Kwa mfano mali ambazo CCM ilirithi wakati mfumo wa vyama vingi ulipoanza. Angalia viwanja vya mpira kibao bado ni vya CCM, majengo mengi ambayo yalijengwa kwa kodi za wananchi bado ni ya CCM. Kwa nini mali hizo ziendelee kubaki za CCM? Tume ya Nyalali ilipendekeza kwamba mali hizo zirudishwe Serikalini lakini mpaka leo hakuna kilichorudishwa. Halafu jamaa wa upinzani wanakaa kukimbilia ruzuku ambayo kila mwaka itaendelea kuongezeka kw CCM huku ikipungua kwao, huku Chama hiki twawala kikiendelea kufaidika na mapato ambayo ni mali ya kila mtanzania. Pamoja na mambo mengine ya katiba na tume huru ya uchaguzi mimi nimeongele mambo mawili yanayohusu pesa.

Hili la ruzuku wanablogu wote tulivalie njuga. Vyama viendeshwe na wanachama hizo hela za ruzuku zikabiliane na kipindupindu au shughuli nyingine za kimaendeleo.

Natamani Kipindupindu kifike Ikulu

2006-01-19T18:59:00.000+02:00

Kuna mwanamuziki mmoja mtanzania, kati ya wale wanaoitwa wa kizazi kipya anatamani mambo ya kuchekesha sana katika moja ya nyimbo zake. Kwa mfano anatamani mlima Kilimanjaro uamie sijuhi wapi na bahari pia ihame. Mimi leo nakuwa kama yeye. Natamani Kipindupindu kilipuke Mikocheni, Osterbay, Masaki halafu kipige hodi Ikulu pia. Kila siku kinavamia Buguruni, Manzese na sehemu zingine za walalahoi. Hivi kweli tumeshindwa kabisa kudhibiti kipindupindu? Labda kikifika ikulu kitapatiwa ufumbuzi. Rais mpya kaanza kazi kwa kukaribishwa na mlipuko wa kipindupindu kama ilivyo kawaida ya kila mwaka. Sijuhi kama atakivalia njuga kwa Ari Mpya, Kasi Mpya na Nguvu mpya au kitaendelea kumaliza watu kwa Ari Mpya, Kasi Mpya na Nguvu Mpya? Kama waziri wa Afya ataendeleza mapambano ya magonjwa kwa warsha, semina na makongamano na kuchapisha fulana na kofia basi hakuna kitakachotokea. Safari hii Waziri wa Afya ni Profesa. Sijuhi kama atasadia lolote kwa sababu huko nyuma alishawahi kuwepo Profesa akaboronga pia. Mimi sijuhi aibu hii ya kipindupindu itaisha lini.

Nawajibika kuomba Radhi

2006-01-19T18:50:00.000+02:00

Kwa kweli nimepotea bila kutoa maelezo kwanza. Naomba radhi kwa hilo Ndesanjo kataka kuunda tume pamoja na kutaka kuwasiliana na FBI nitafutwe. Nimerudi. Naanza na nukuu hii ya Frantz Fanon. Kwamba wananchi ndio nguvu ya kubadili mambo. Niliwahi kuizungumzia bila kuiweka nukuu yenyewe: “To educate the masses politically does not mean, cannot mean making a political speech. What it means is to try, relentlessly and passionately, to teach the masses that everything depends on them; that if we stagnate, it is their responsibility and that if we go forward it is due to them too, that there is no famous man or woman who will take responsibility for everything and the magic hands are finally only the hands of the people”. Frantz Fanon

Nimeiweka ili kusisitiza kwamba tuna wajibu wa kuelimisha na kwamba sisi pia ni wananchi ambao tunaweza kuleta mabadiliko.

Kimya wenzangu!

2006-01-03T15:04:00.000+02:00

Jamani nimekuwa kimya kwa muda sasa. Nilikuwa nakusanya nguvu baada ya igizo la tarehe 14. Wale waliotarajia mabadiliko makubwa nadhani wamekata tamaa. Wengine wanasema bunge limerudia kuwa la chama kimoja. Lakini Frantz Fanon anasema tuendelee kuelimisha wananchi mpaka wajue wao ndio wenye nguvu ya kuleta mabadiliko na hakuna mtu yeyote mmoja anayeweza kuleta mabadiliko ya maana isipokuwa wao wenyewe. Kwa wale wanaokubaliana na kalenda Gregory basi kheri ya mwaka mpya.

Igizo limeisha, tungoje miaka mingine mitano

2005-12-17T19:00:00.000+02:00

Mchezo wa kuigiza umekwisha. Miaka mingine mitano wananchi watalishwa tena maneno, pilau, khanga, sukari watauza tena kura zao. Mchezo unaendelea. Lakini mchezo huu utaendelea hadi lini? Na watanzania tulivyo hatutawauliza wale walioshinda chochote hata kama hawatatimiza moja kati ya walioahidi. Lakini hata hivyo ni wangapi tunakumbuka hata ahadi zenyewe? Pilau na khanga na fulana zinatosha. Jamaa mmoja kaniacha hoi sana. Ameniambia jinsi ambavyo bado kuna kibarua kigumu mbele yetu. Alishuhudia watu wakibishana baada ya kampeni. Hawakubishana chochote kuhusu yaliyozungumzwa kwenye mkutano wa kampeni. Ubishi ulikuwa juu ya vifaa na magari ya vyama vyao. Mmoja akiwa anasema umeona spika za chama chetu? Ni nzito bwana si mchezo. Mwingine akamwambia acha utani, uliona gari walilokuwa wakitumia wagombea wa chama changu walipokuja hapa? Kazi ipo. Kwa kweli kama tunataka mabadiliko inabidi tusilale usingizi. Tupambane kweli.

Bendera ya Uingereza yafanyani katika tovuti ya CHADEMA?

2005-11-23T13:23:00.000+02:00

Ndesanjo amekuwa akipigia kelele matumizi ya lugha ya kiingereza katika tovuti za kitanzania. Sasa leo katika kuipitia tovuti ya CHADEMA nimeona wameweka bendera ya Uingereza juu kabisa kwenye tovuti yao. Hiyo bendera inafanya nini hapo? Mimi sijuhi sababu labda kama kuna anayefahamu anisaidie.

UKIMWI bado ni tishio

2005-11-22T12:07:00.000+02:00

Shirika la umoja wa mataifa linaloshughulikia UKIMWI, UNAIDS kwa kushirikiana na Shirika la Afya duniani, WHO limetoa taarifa ya mwaka inayoonyesha jinsi UKIMWI ulivyo bado ni tishio hasa Afrika kusini mwa jangwa la Sahara. Unaweza kuisoma taarifa hiyo kwa kubonyeza hapa

Kiswahili kitolewe utumwani kwanza

2005-11-18T21:56:00.000+02:00

Jeff Msangi kaanzisha mjadala wa kiswahili katika blogu yake. Ametoa hoja za msingi ambazo zaweza kujadiliwa. Ili mjadala ule unoge naongezea makala iliyoandikwa na Prudence Karugendo anayetoa hoja kwamba tuanze kukitoa kiswahili utumwani kwanza. Hoja yake ni kwamba kiswahili kimeazima maneno mengi sana ya kiarabu wakati tuna lugha kwa mamia za kibantu ambazo tungeweza kutumia maneno yake na kubadilisha mengi ya kiarabu. Soma makala yake hapa na mjadala uendelee.

Uvutaji na unywaji wa pombe na Saratani tena

2005-11-18T20:03:00.000+02:00

Engidio amesema kwamba kuna watu wametishwa sana na habari niliyoiweka hapa kuhusu unywaji pombe na Saratani. Sasa naweka kiungo kingine kuonyesha msisitizo wa jambo hili tena. Soma Hapa uone mambo zaidi kuhusu pombe sigara na saratani.

Saratani yazidi kuongezeka shauri ya kubwia pombe

2005-11-16T11:33:00.000+02:00

Soma habari hii inayotoa onyo juu ya ongezeko la saratani kutokana na kunywa kupindukia. Bonyeza hapa

Uhuru si urithi

2005-11-15T14:08:00.000+02:00

Nimekutana na nukuu hii:

"No people are really free until they become the instrument of their own liberation. Freedom is not a legacy that is bequeathed from one generation to another. Each generation must take and maintain its freedom with its own hands." By John Henrik Clarke

Kila kizazi inabidi kipambane kujipatia uhuru wake.

Makala za Prudence

2005-11-13T11:55:00.000+02:00

Mzalendo mmoja aitwaye Prudence Karugendo amenitumia makala zake ambazo angependa zisomwe na watanzania wengine ili kubadilishana mawazo na kuleta changamoto katika kujadili mustakabali wa nchi yetu. Nimeweka kona ya makala zake kwenye blogu hii chini ya Kona ya Padre Karugendo. Hawa ni watu wawili tofauti. Mmoja ni Privatus mwingine ni Prudence. Kwa leo naweka makala zake tatu. Moja inaitwa kiini macho cha kusamehewa madeni. Pamoja na mambo mengine anaongelea misamiati migumu inayotumiwa katika kuandika mambo ya kiuchumi. Anahoji pia kwa nini tunaambiwa sasa tusherehekee kusamehewa madeni wakati ambao hatukuambiwa yalikopwa lini, na nani, kwa ruhusa ya nani na yalifanyia nini? Isome hapa. Nyingine mbili zinahusu amani. Moja anauliza kama kweli Tanzania kuna amani au ni kiini macho cha amani. Isome kwa kubofya hapa. Nyingine anauliza je ni upinzania au chama twawala kinachohatarisha amani? Isome hapa

Tanzania yaingizwa kwenye kapu la Misaada mingine ya Marekani

2005-11-11T10:07:00.000+02:00

Tanzania imefanikiwa kuingizwa katika mpango wa misaada wa Marekani unaoitwa Millenium Challenge Corporation (MCC). Ili uingizwe humo ni lazima kwanza uwe na utawala bora kwa vigezo vya jamaa wa Benki ya Dunia na Wizara ya Fedha ya Dunia (International Ministry of Finance), wenyewe wanaita International Monetary Fund. Sasa tungoje majivuno na matusi toka kwa mwenyewe. "Wale wote mnaosema nchi haina utawala bora ni vipofu. Hamuoni hata Marekani inatambua? Nyie watanzania msioona ni watu wa ajabu sana". Tutayasikia haya karibuni. Soma Hapa habari hiyo.

Wanywaji wa Kahawa Huree

2005-11-09T20:27:00.000+02:00

Tafiti zinachanganya Kweli. Tofauti na inavyoaminika kwamba kunywa kahawa kwa wingi husababisha Magonjwa ya moyo, utafiti mpya umegundua kwamba unywaji wa Coca Cola unaweza kuwa hatari zaidi. Soma hapa

Makala kuhusu Askari kuwachapa Raia

2005-11-09T18:46:00.000+02:00

Bwana Sakito Mallya ameandika maoni yake kuhusu Askari wa Tanzania kuwapa kipigo raia. Makala hiyo ilitoka kwenye Gazeti la Rai la tarehe 3/11/2005. Unaweza kuisoma kwa kubonyeza hapa

Mabaki ya kanisa la kale yagunduliwa.

2005-11-07T18:40:00.000+02:00

Jamaa mmoja kagundua mabaki ya kanisa ambalo pengine lilijengwa kwenye karne ya tatu au ya nne katika nchi "Takatifu"-Israel. Jamaa wanasemakwamba itavutia sana utalii shauri ya imani waliyo nayo wakristo kuhusu Kanisa, Yesu na nchi Takatifu. Wanabashiri kwamba utalii utaongezeka kwa nguvu sana. Hata kama jamaa wamedanganya ili kukuza sekta ya utalii bado watapata tuu. Soma habari hiyo hapa

Weusi hawasomi

2005-11-07T09:53:00.001+02:00

Nimekutana na haya maneno katika mlolongo mmoja wa barua pepe. Soma uone jinsi weusi watakavyoendelea kunyonywa. Ina maana hata hii hawataisoma.

BLACKS DON'T READ

I think that will interest youREAD AND WEEP!BLACKS DON'T READ.Please Note:For those of you who heard it, this is the article DeeLee was reading this morning on a New York radiostation. For those of you who didn't hear it, this isvery deep and true! BLACKS DON'T READ. This is a heavypiece and a Caucasian wrote it. THEY ARE STILL OURSLAVES we can continue to reap profits from the Blackswithout the effort of physical slavery. Look at thecurrent methods of containment that they use onthemselves: IGNORANCE, GREED, and SELFISHNESS. TheirIGNORANCE is the primary weapon of containment. Agreat man once said, 'The best way to hide somethingfrom Black people is to put it in a book." We now livein the Information Age. They have gained theopportunity to read any book on any subject throughthe efforts of their fight for freedom, yet theyrefuse to read. There are numerous books readilyavailable at Borders, Barnes & Noble, and Amazon.com,not to mention their own Black Bookstores that providesolid blueprints to reach economic equality (whichshould have been their fight all along), but few readconsistently, if at all. GREED is another powerfulweapon of containment. Blacks, since the abolition ofslavery, have had large amounts of money at theirdisposal. Last year they spent 10 billion dollarsduring Christmas, out of Their 450 billion dollars intotal yearly income (2.22%). Any of us can use them asour target market, for any business venture we care todream up, no matter how outlandish, they will buy intoit. Being primarily a consumer people, they functiontotally by greed. They continually want more, withlittle thought for saving or investing. They wouldrather buy some new sneaker than invest in starting abusiness. Some even neglect their children to have thelatest Tommy or FUBU, and they still think that havinga Mercedes, and a big house gives them "Status" orthat they have achieved the American Dream. They arefools! The vast majority of their people are still inpoverty because their greed holds them back fromcollectively making better communities. With the helpof BET, and the rest of their black media that oftenbroadcasts destructive images into their own homes, wewill continue to see hug profits like those of Tommyand Nike. Tommy Hilfiger has even jeered them, sayinghe doesn't want their money, and look at how the foolsspend more with him than ever before). They'llcontinue to show off to each other while we buildsolid communities with the profits from our businessesthat we market to them. SELFISHNESS, ingrained intheir minds through slavery, is one of the Major wayswe can continue to contain them. One of their own,Dubois said that there was an innate division in theirculture. A "Talented Tenth" he called it. He wascorrect in his deduction that there are segments oftheir culture that has achieved some "form" ofsuccess. However, that segment missed the fullness ofis work. They didn't read that the "Talented Tenth"was then responsible to aid the Non-Talented NinetyPercent in achieving a better life; instead, thatsegment has created another class, a Buppies classthat looks down on their people or aids them in acondescending manner. They will never achieve what wehave. Their selfishness does not allow them to be ableto work together on any project or endeavor ofsubstance. When they do get together, theirselfishness lets their egos get in the way of theirgoal. Their so-called help organizations seem to onlywant to promote their name without making any realchange in their community. They are content to sit inconferences and conventions in our hotels, and talkabout what they will do, while they award plaques tothe best speakers, not the best doers. Is there no endto their selfishness? They steadfastly refuse to seethat TOGETHER EACH ACHIEVES MORE (TEAM)! They do notunderstand that they are no better than each other ofwhat they own in fact, most of those Buppies are butone or two paychecks away from poverty. All of whichis under the control of our pens i our offices and ourrooms. Yes, we will continue to contain them as longas they refuse to read, continue to buy anything theywant, and keep thinking they are "helping" theircommunities by paying dues to organizations which dolittle other than hold lavish conventions in ourhotels. By the way, don't worry about any of themreading this letter, remember, THEY DON'T READ!!!!BLACKS DON'T READ"Euseby

Kwa nini?

2005-11-05T17:20:00.000+02:00

Umeshawahi kujiuliza kwa nini Amani Karume awe rais wa Zanzibar? Kwa nini Ndugu yake ni balozi? Kwa nini Hussein Mwinyi ni Naibu Waziri wa Afya? Kwa nini Watoto wawili wa Nyerere ni wabunge wa kuteuliwa? Kwa nini? Nimeulizwa. Mimi nikasema kwa vile ni wanasisiemu wazuri. Nikaulizwa je ni wao tuu ambao ni wanasisiemu wazuri? Je ni kwa vile baba zao walikuwa Rais kwa vipindi tofauti? Sijuhi.

Uganda imeendelea sana, haiitaji msaada wa IMF

2005-10-29T15:53:00.000+02:00

Kuna habari inayoifagilia kweli nchi ya Uganda ilivyopiga hatua ya kimaendeleo. Sijuhi. Kama vigezo walivyotumia ni sahihi basi Uganda iko mbali. Lakini kama ni suala la kucheza na takwimu tuu, basi kila nchi inaweza kuonekana imeendelea au haijaendelea. Naziogopa sana takwimu japo nacheza nazo kila ukicha. Kwa upande mwingine licha ya maendeleo haya, bajeti ya uganda inafadhiliwa kwa asilimia kama 50 hivi na wahisani wa nje. Innocent tuambie. Mtaani Uganda mambo yakoje? Soma habari hiyo hapa

Barua kwa rais mtarajiwa

2005-10-29T11:50:00.000+02:00

Kuna Wazalendo wawili waliomwandikia rais mtarajiwa barua wakimtafadhalisha kwamba serikali ijayo ifanye mambo ya muhimu kwanza. Barua hiyo imetoka kwenye gazeti la Rai la Alhamis tarehe 27/10/2005. Unaweza kuisoma kwa kubonyeza hapa. Ukiwa na la kuwauliza waandikie: sakitomalya2001@yahoo.co.uk

Ethan akiri ugwiji wa Ndesanjo

2005-10-27T14:11:00.000+02:00

Ethan Amekubali kwamba Ndesanjo Si mchezo jinsi alivyoweza kuhabarisha wasomaji wake kilichokuwa kinaendelea katika mkutano wa Pop Tech huko Camden. Kilichomuacha hoi ni jinsi Macha alivyoweza kuandika karibu kila kitu kilichokuwa kikiendelea tena akitafsiri kwa kiswahili. Lazima na mimi nikupongeze kwa hili ndugu yangu. Ongeza bidii. Lisha jamii habari Mangi. Ukifungua blogu ya Ethan utakumbana na hiyo habari. Tumpe Ndesanjo hongera zake kwa hili. Ukibonyeza HAPA utasoma kwa undani alichosema Ethan

Sawa si sawasawa tena

2005-10-26T09:42:00.000+02:00

Fide aliuliza binadamu wote ni sawasawa? Macha sasa nadhani huitaji mjadala tena. Kuna huyu mtu anayeitwa Magufuli -Waziri wa Ujenzi. Anasifika sana kwamba anachapa kazi. Lakini mgongoni mwa huo uchapa kazi ana mambo ya kusikitisha mno. Soma hapa uone moja ya mambo yake mengi ya ajabu.

Mijadala, mijadala na mijadala

2005-10-24T21:40:00.000+02:00

Leo nilikuwa kwenye mjadala mmoja kuhusu mambo yanavyokwenda hapa Afrika ya Kusini. Waongeaji katika mjadala ule walikuwa rais wa zamani F.W. De Klerk na mtu anayeitwa Tokyo Sexwale. Huyu Sexwale ni mweusi ambaye alikuwa kati ya wapambanaji waliofungwa miaka mingi huko Robin Island. Lakini baada ya miaka 11 tuu ya utawala wa weusi amekuwa ni tajiri mkubwa sana. Mjadala ule ulikuwa wa kufurahisha. De Klerk anasema kwamba weupe wanaogopa sana hiki kinachoitwa Black Empowerment kwa sababu hatma ya weupe haijulikani na sasa baadhi wameanza kuwapeleka watoto wao nje ya nchi wakihofia kitakachotokea kwani huenda wakatengwa kiajira na mambo mengine. Anadai pia kwamba umasikini umeongezeka licha ya uchumi kukua. Kwa mfano anasema pengo kati ya walio nacho na wasionacho limekuwa sasa zaidi ilivyokuwa kabla ya kumalizika kwa utawala wa ubaguzi. Idadi ya weusi wasio na ajira imeongezeka kuliko kabla ya utawala wa kibaguzi. Madai yake kwa kweli ni ya msingi hasa ya ongezeko la umasikini na kukua kwa pengo la matajiri na masikini. Hoja yake nyingine ni kwamba kuwawezesha weupe haina maana kuwapa kazi za juu au fedha za biashara hata kama hawana uwezo huo. Uwezeshaji mkubwa ni kuwaelimisha ili waweze kushindana katika soko. Hili nalo halina ubishi.

Sexwale akasema kwamba licha ya kelele zote zinazopigwa, bado weusi hawajapata chochote cha kutisha. Ametoa mfano kwamba Katika soko la hisa la Johanesburg, weusi wanamiliki asilimia 1.8 tuu ya trilioni moja ya hisa zote. Hii ni baada ya miaka 11 ya utawala mpya. Akasema pia kwamba maajabu yasitarajiwe kwa kipindi kifupi kama hiki. Kwa maneno mengine watu weusi pia wasitarajie kila kitu kitamalizika kwa miaka 11 tuu. Lakini hakutuambia yeye amewezaje kuwa tajiri hivyo kwa miaka 11 tuu.

Niliwahi kusema huko nyuma kwamba Afrika ya Kusini imeshazalisha tabaka jingine la matajiri wachache weusi ambao wanapewa mitaji ya biashara na vyeo vikubwa badala ya kuimarisha elimu kwa weusi kwa ngazi zote kwanza. Leo hii kuna mamilioni ya watoto weusi hawana madawati wala viti vya kukalia mashuleni. Badala ya kuanza kuimarisha kizazi kijacho ili kiweze kushindana na hao weupe miaka ijayo wanazalisha mabilionea wachache halafu wanaacha lundo la weusi wakiangaika pasipo kazi wala elimu nzuri. Ukisikiliza mijadala yao utagundua kazi bado ipo.

Dawa za ARVs husababisha magonjwa ya moyo

2005-10-23T13:09:00.000+02:00

Kuna habari hii hapa inayosema kwamba dawa za kurefusha maisha husababisha magonjwa ya moyo. Tafadhali isome. wakati fulani kwenye blogu yangu ya kiingereza niliandika kuhusu hili jambo nikijenga hoja kwamba wale walioshtaki kampuni iliyokuwa ikitengeneza dawa za kutuliza maumivu ziitwazo VIOXX na baada ya kuzitumia mgonjwa magonjwa ya moyo hawakuwa wajinga na inawezekana kabisa kwamba kampuni hizi zinazotengeneza ARVs baadaye zikashtakiwa. Jamaa mmoja kanijia juu kishenzi. Lakini ukweli wa mambo ni kwamba dawa hizi zina madahara makubwa sana katika mwili.

KILA NCHI INATOA ELIMU KWA KISWAHILI

2005-10-20T11:50:00.000+02:00

Nimekutana na maoni ya mzalendo mmoja kuhusu matumizi ya lugha ya kiswahili nikaona nishirikiane nanyi kupata anachosema: maoni yake nayaweka hapa chini:

KILA NCHI INATOA ELIMU KWA KISWAHILI

Mzee Nimejifunza yafuatayo na siyo vibaya tukichangia:

(1) Kule Mbeya, Bukoba, Moshi, Iringa na sehemu nyingi zenye baridi watu wanakunywa zaidi CHAI ya kahawa. Wakati sehemu za joto joto kama Dar hawana chaguo maalumu, hata CHAI ya siturungi, milo, cocoa,zote zinanywewa bila mpangilio wowote.

(2) Yule NYERERE wa Msumbiji aliyekuwa akiitwa SamoraMasheli alikufa kwa ajali ya ndege na wala siyo gari.Na NYERERE wa Libya, Gadafi huenda akawa ndiyekiongozi wa Afrika aliyekaa madarakani kwa muda mrefu. Somali wao hawana NYERERE bado, hii ni kwa ajili yamachafuko ya kivita.

(3) Kila nchi duniani hutumia lugha ya KISWAHILI kuunganisha jamii zao za makabila mbalimbali na kufundisha katika ngazi na nyanja zote za elimu. Mfano, Uganda, Malawi, Zambia, n.k., wao hutumia KISWAHILI cha Kiingereza. Gabon, Congo, Senegal, n.k.wao hutumia KISWAHILI cha Kifaransa; England, Wales,Marekani na Scotland hutumia KISWAHILI cha Kiingereza;Misri, Libya, Tunisia, n.k. wao ni KISWAHILI chaKiarabu; Uchina nasikia ni KISWAHILI kinachoitwa Mandarin; Arjentina, Kolombia, Chile, n.k. niKISWAHILI cha Kiispania, Urusi ni Kirusi, Ureno naBrazili na Angola ni Kireno, n.k. n.k.?

(4) Nchi yetu Tanzania ambayo KISWAHILI chake ni Kiswahili, ndiyo nchi pekee duniani ambayo imetumia KISWAHILI kuunganisha watu wake wa makabila mbalimbali halafu maajabu imekataa kutumia KISWAHILI hicho hichokatika kutoa na kupokea elimu mashuleni na vyuoni mwake !!!!!!!!!!!!. Hii inamaanisha kuwa kinachofundishwa mashuleni kwetu siyo elimu bali mahudhurio ya semina ndefu ndefu tulizozibatiza majina; Form IV, IV na madigirii.Nadhani vyeti vyake sahihi vingeitwa VYETI VYAMAHUDHURIO YA SEMINA YA FORM IV, n.k. na siyo vyeti vya ELIMU. Neno elimu ni pana na kubwa. Hivyo lisitumike pasipostahili. Vinginevyo ni sawa na kudai kuendesha kilimo cha minazi wakati shamba zima umepandikiza makuti mabichi!! Na misingi ya kukataa kutoa elimu kwa KISWAHILI ndiyo chanzo cha umaskikini wetu pamoja na kuwa matajiri wenye raslimali lukuki:watu takribani milioni 40, ardhi yote yenye rutuba,maji hadi kiama - yawe chumvi au baridi, hali ya hewa murua - hakuna vimbunga-matetemeko ya ardhi-baridi na joto zinazoua, madini kila aina nchi nzima, mbuga za wanyama duniani hakuna na lugha ya KISWAHILI iliyo pevu. Nchi zote duniani zinapotoa elimu kwa KISWAHILI chake,siyo wapumbavu, hivyo na sisi tuanze leo. Anayedai lugha haijakuwa bado, mwambie akupangia lugha ya kwanza hadi ya mwisho kama ataweza, hawezi, kwani hakuna kitu kama lugha changa. Anayesema tutafsiri kwanza vitabu kutoka lugha za kigeni - muulize mbona tunatumia maneno kama motokaa, oksijeni, pasipoti,kompyuta, redio na wenzetu nao wanatumia maneno yetu kama panga, shamba, safari, kimeharibika nini?. Anayedai hatutatambulika duniani - kwanza, waulize duniani kuna nchi ngapi zisizotumia hiyo lugha ya kigeni tunayoikumbatia - na wanatambulika zaidi yetu??pili wafahamishe kiswahili kinasambaa kama moto wa mbugani. Wasikilize Wakongo, Waburundi na Rwanda,Wakenya, Wamsumbiji, n.k. wanavyokiongea. Tatu waombe wasikilize redio Ujerumani, Peking, Sauti ya Amerika,BBC, n.k. Mwisho waelimishe kuwa wanapodai kuwa lugha haijakuwa, hatutatambulika, n.k huwa wanamaanisha,tena bila kujitambua wala aibu, kuwa wao ni wanyonge,dhaifu, wasiojiamini, wasioweza kujiendesha wenyewe,watumwa - haswa haswa huko vichwani mwao na wasiotakakuelimika.

Kwaheri,

Kiswahili chema,

Paper ya Prof. Othman

2005-10-19T21:18:00.000+02:00

Profesa Haroub Othman wa Chuo Kikuu cha DSM alikuwa msemaji Mkuu kwenye Mhadhara wa Kumbukumbu ya Mwalimu Nyerere ulioandaliwa na chuo hiki hapa tarehe 14/10/2005. Mada aliyotoa ilikuwa: Nyerere an Intellectual in Power. Isome kwa kubonyeza hapa

Misaada ya Nje jamani!!

2005-10-18T21:46:00.000+02:00

Katika soma soma yangu nimekutana na sentensi ifuatayo: "At one point in Tanzania, the total for government wages and salaries (which are taxed) was $100 million, while the salary bill for technical assistants supplied under aid programs (and not taxed) was $200 million". Yaani mishahara inayotokana na misaada ambayo hailipiwi kodi kwa wakati huo ilikuwa mara mbili ya ile serikali. Tunapoteza kodi kiasi gani?

Makala ya kumkukumbuka Mwalimu

2005-10-17T21:26:00.000+02:00

Niliandika makala kumkumbuka Mwalimu J. K. Nyerere ambayo ilitoka kwenye gazeti la Rai la tarehe 13/10/2005. Nakuwekea hapa uisome

Parched Earth

2005-10-17T15:21:00.000+02:00

Padre Karugendo amemwandikia barua ya pongezi Mwandishi wa Kitabu cha Parched Earth mama Elieshi Lema. Ukisoma barua hiyo unaweza kupata mawili matatu yaliyomo kwenye kitabu hicho ambacho ni kizuri na muhimu mno. Unaweza kuisoma hapa. Kumbuka makala zake nyingine zipo kwenye kona yake ndani ya Blogu hii

Maajabu haya!!

2005-10-17T10:04:00.000+02:00

Jamaa wa Kanisa la Ephata wameamua kwenda Israel kuombea uchaguzi mkuu na pia mahusiano mazuri kati ya Israel na Tanzania. Wakati huo huo Huyo kiongozi wao anawambia watanzania wengine waombee uchaguzi. Hivi, kwa nini wasingeombea wote nyumbani mpaka waende Israel? Kama anaona Israel ni mahali patakatifu ambapo sala zao zitakubalika zaidi, kwa nini sasa awaambie watanzania wengine wanaosalia nje ya Israel waendelee kuomba? Ndesanjo atalieleza vizuri hili. Halafu anataka uhusiano na Israel uwe mzuri, sababu zilizofanya uwe mbaya ni zipi? Je sababu hizo sasa si za msingi tena? Israel inaheshimu haki za Wapalestina? Soma habari hiyo hapa.

Makala Mpya ya Padre karugendo

2005-10-16T12:33:00.000+02:00

Kuna makala mpya aliyoandika Padre karugendo kuhusu kumbukumbu ya Askofu Mwoleka lakini ina ujumbe mzito wa "NDOA NYOYO". Isome hapa

Chavez kawashitukia wamisionari

2005-10-13T11:52:00.000+02:00

Rais wa Venenzuela Hugo Chavez ambaye ni adui mkubwa wa Marekani ameshtukia wahubiri toka Marekani na ameamua atawatimua sasa. Chavez ambaye Marekani inashinikiza kuondolewa kwake madarakani anahisi wahubiri hao ni wale wale wapiga propaganda za adui wake. Soma hapa ujionee mwenyewe.

Kumbukumbu ya Mwalimu Nyerere

2005-10-10T22:08:00.000+02:00

Tarehe 14/10/2005, itakuwa imetimia miaka sita tangu Mwalimu Nyerere atangulie mbele ya haki. Katika kumuenzi na kumkukumbuka mzee wetu huyu, Chuo Kikuu cha Cape Town kwa ushirikiano na Jumuiya ya Wanafunzi wa Afrika mashariki wanaosoma Chuo hiki wamendaa mhadhara Maalum wa kumbukumbu kutafakari mchango wake kama kiongozi, mwanafalsafa, mwanazuoni na mpigania uhuru na haki za wanyonge katika bara la afrika na duniani kote. Mgeni Rasmi katika tukio hili atakuwa Prof. Haroub Othman wa chuo Kikuu cha Dar-es-Salaam. Katika tukio hilo tunatarajia tutakuwa na wageni wengi kutoka sehemu mbalimbali hapa Afrika ya Kusini na wawakilishi toka balozi mbalimbali. Huu ni mhadhara wa kwanza kuandaliwa na chuo hiki na ni nia yetu kufanya tukio hili liwe la kila mwaka. Nitazidi kuwafahamisha zaidi juu ya tukio hili.

Kichaka alitumwa na Mungu

2005-10-07T13:19:00.000+02:00

Msemaji wa George Kichaka anakana kwamba rais wake aliwahi kusema kwamba alitumwa na Mungu kuivamia Iraq na Afrighanistan kama inavyodaiwa na mwakilishi wa mazungumzo ya amani ya Mashariki ya Kati toka Palestina Bwana Nabil Shaath. Kukana ndio kawaida ya wasemaji wote wa serikali duniani. Cha kukumbuka ni kwamba vita hizi zote huombewa kwanza na wahubiri maarufu kama vile Bill Graham. Huyu ndiye Mungu wa Kichaka anayetaka kwenda kuua wairaq. Soma habari hiyo hapa

Ugunduzi mpya huwa mgumu kukubalika

2005-10-04T22:23:00.000+02:00

Jana nilielezea washindi wa tuzo ya Nobeli katika Utibabu walivyogundua kwamba vidonda vya tumbo kwa asilimia kubwa husababishwa na bakteria na matibabu yake ni rahisi yaani kutumia "antibiotics" tuu. Hawa jamaa walianza utafiti wao miaka 20 iliyopita. Walivyotangaza mara ya kwanza walichekwa sana na kuonekana ni watu wanaotaka kuleta mzaa katika sayansi. Leo ukweli umedhihirika lakini baada ya gharama kubwa ya maisha ya watu pamoja na dawa za kutibu vidonda hivyo zinazouzwa na kampuni za mabepari. Hili si tukio la kwanza; miaka mingi iliyopita ugonjwa unaoitwa "Scurvy" ulikuwa ukiwasumbua sana watu. Akajitokeza mwanasayansi mmoja akasema watu wasihangaike; tatizo la ugonjwa huo ni ukosefu wa vitamini C. Alichekwa vibaya sana. lakini baadaye ikadhihirika kwamba ugunduzi wake ni ukweli mtupu. Sasa hivi kuna mtaalam mmoja anayeitwa Dr. Mathias Rath; anapambana na mambo mawili makubwa. Kwanza anasema magonjwa ya moyo husababishwa na upungufu wa vitamini C. Anauliza kwa nini wanyama hawapati magonjwa ya moyo lakini sisi binadamu tunayapata? Jibu ni kwamba miili ya wanyama inazalisha vitamini C ambayo ni muhimu katika kuzuia matatizo ya moyo wakati miili ya binadamu haina uwezo huo. Kwa maneno mengine tunahitaji vitamini C za kutosha toka kwenye vyanzo vingine. Jambo la pili analopambana nalo ni matumizi ya vitamini na virutubisho katika kupambana na UKIMWI. Katika mapambano haya anakumbana na upinzani wa kutisha. Upinzani uliogeukia majukwaani badala ya maabara. kampuni za dawa hazitaki kusikia dawa mbadala kabisa. Wanataka kuendelea kuuza dawa zao.

Nimalizie kwa kutoa nukuu hii: "New Truths go through three stages. First they are ridiculed, second they are violently opposed and then finally, they are accepted as being self-evident". Arthur Schopenhauer

Makala nyingine za Padre Karugendo

2005-10-03T19:49:00.000+02:00

Niliahidi kutundika makala nyingine za Padre Karugendo. Leo nazitundika kutimiza hiyo ahadi. Anza na hii inayosema "baada ya uchaguzi" kwa kutwanga hapa, halafu kuna hizi nyingine mbili nazo kuhusu uchaguzi pia. Zisome hapa na hapa. Soma nyingine anayochambua mawazo ya Kadinari Pengo kuhusu mchakato wa watakatifu kwa kubofya hapa. Mwisho kuna makala anayojadili kitabu kinachoitwa "Parched Earth" kilichoandikwa na Elieshi Lema. Kabla sijakuelekeza kwa kuisoma makala hiyo nizungumzie kidogo kitabu hicho. Hiki kwa mawazo yangu ningemshauri kila kijana akisome. Kila mzazi pia akisome. Ukikisoma utaona hali halisi ya maisha ambapo wazazi tunaacha vijana wetu wakielea bila maelekezo na mafundisho ya kutosha kuhusu maisha. Kitafute ukisome. Hutajuta kukisoma sana sana ukishasoma utataka na mwenzio akisome. Sasa uisome makala ya Padre Karugendo kuhusu kitabu hicho hapa

Bakteria na vidonda vya tumbo

2005-10-03T19:35:00.000+02:00

Tofauti na ilivyozoeleka na kuaminika siku zote kwamba vidonda vya tumbo husababishwa kwa kiwango kikubwa na mifumo ya maisha na mfadhaiko(stress), sasa wataalam wamegundua kumbe zaidi ya asilimia zaidi ya asilimia 80 husababishwa na bacteria waitwao "Helicobacter pylori". Wanasayansi wawili toka Australia Barry J. Marshall na J. Robin Warren wamepata tuzo ya Nobel kwa ugunduzi huu. Soma mwenyewe habarii hiyo hapa. Wiki hii pia washindi wengine wa tuzo za Nobeli wa Amani, Kemia, Fizikia watatangazwa. Jumatatu ya tarehe 10/10 ndio atatangazwa mshindi wa nishani hiyo katika uchumi, huku tarehe kamili kwa mshindi katika fasihi ikiwa haijatolewa rasmi. Unaweza kusoma zaidi habari za tuzo za Nobeli hapa

Makala za Padre Karugendo tena

2005-09-26T18:25:00.000+02:00

Naweka makala nyingine tano katika kona ya Padre Karugendo. Moja inahusu maslahi ya Taifa. Isome hapa. Soma pia hii hapa inayosema sera tofauti lakini lengo ni lile lile. Halafu kuna nyingine mbili zinazohusu utakatifu wa Mwalimu Nyerere. Zisome Hapa na Hapa. Kwa leo ya mwisho inasema Kanisa si upinzani. Unaweza ukaisoma hapa. Nitaweka makala nyingine siku za karibuni.

Mamilioni wanaishi Kwa umasikini wa kupindukia Marekani

2005-09-25T12:23:00.000+02:00

Wamarekani zaidi ya milioni 37 wanaishi kwa umasikini mkubwa. Hii ni kama asilimia kumi ya wamarekani wote na ni kubwa kuliko idadi ya watanzania wote. Soma mwenyewe habari hiyo HAPA

Ya Zimbabwe kutokea Africa ya Kusini

2005-09-23T10:36:00.000+02:00

Licha ya staili ya Bob Mugabe kukamata mashamba ya Wazungu na kuyagawa kwa wazalendo kulaaniwa vikali na baadhi ya nchi, Afrika ya Kusini inataka kujifunza mbinu toka kwa Bob. Soma habari hiyo hapa

Elimu na Kujifunza

2005-09-22T22:19:00.000+02:00

Tarehe 25/08/2005 Chuo Kikuu cha Western Cape kiliandaa mhadhara wa kumbukumbu ya Mwalimu Nyerere. Hili ni tukio la kila mwaka kukumbuka mchango wa Mwalimu katika Elimu. Mwaka huu mzungumzaji alikuwa Dr. Rosa Maria Torres Waziri wa Zamani wa Elimu Nchini Ecuador. Mama huyu alitofautisha kati ya kupata elimu na kujifunza. Baadhi ya mambo aliyosisitiza ni pamoja na: kumaliza mtaala si sawa na kujifunza, kujifunza hakuanzii darasani, kutojua kusoma na kuandika hakumaanishi ujinga, kujifunza si kusoma vitabu tuu, Elimu si kuongeza idadi ya wanafunzi pamoja na mengine mengi. Huu ulikuwa mhadhara mzuri na wa kufurahisha.

Jamani Ujambazi!!

2005-09-22T22:03:00.000+02:00

Ujambazi umepamba tena moto. Nasikia polisi wametangaza msako kabambe. Kama kawaida utakuwa wa siku mbili tatu halafu watakaa tena mpaka vitendo vya ujambazi vizidi tena kupindukia. Sijuhi kwa nini hilo zoezi kabambe lisiwe la kudumu. Mwaka ule walivyouawa polisi ndio kampeni kabambe ilipamba moto wakakamatwa majambazi kibao. Baada ya hapo wakakaa tena mpaka sasa ndio mpango kabambe unatangazwa tena. Sijuhi utadumu kwa muda gani tena. Lakini kwa vile mapolisi wamejeruhiwa hivi majuzi tunaweza kushuhudia tena majambazi yakikamatwa na kuadabishwa kwa nguvu ya soda.

Jambo lingine ambalo linahitaji kuangaliwa kwa makini ni huu mfumo wetu wa fedha taslimu kila mara. Hii inatokana na mfumo duni wa kifedha. Kwa mfano mfanyabiashara kukaa na milioni zaidi ya mia moja kwenye duka la fedha za kigeni. Inatia shaka kama kweli ni fedha ambazo zimefanyiwa biashara jana yake. Kama ni hivyo basi ni biashara kabambe kabisa. Kama sivyo basi kuna watu wanakaa na fedha bila kuziweka benki na hilo linatia mashaka kwa sababu aidha mfumo wa benki ni mbaya au wafanyabiashara wanakwepa mambo fulani. "Cash Economy" ni mfumo mbaya na hatari sana. Fedha taslimu zinashawishi sana majambazi. Mfano wa yale yaliyotokea Dodoma nayo ni matokeo ya mfumo wa taslimu. Mtu kuchukua shilingi milioni nane kwenda kufanya manunuzi au kulipa chochote ni hatari. Simlaumu yeyote. tatizo ni mfumo wetu. Kila kitu kinahitaji taslimu. Wakati umefika kuanza kuharakisha mabadiliko ya hali hii la sivyo huu uporaji wa fedha taslimu utaendelea na kukua kwa kasi ya ajabu.

Makala ya Kuruwiji

2005-09-19T20:21:00.000+02:00

Naweka makala nyingine ya Padre Karugendo inayoitwa Kuruwiji. Ni makala ya kuvutia mno. Isome hapa. Soma hii nyingine hapa inayoitwa wanawake na uongozi

Filamu Mpya ya Kiswahili kuhusu UKIMWI

2005-09-19T19:38:00.000+02:00

Nimepata taarifa kwamba Filamu mpya ya Kiswahili iliyotengenezwa Marekani iitwayo TUSAMEHE kuhusu UKIMWI inatarajia kutoka hivi karibuni. Itatoka rasmi mwezi ujayo huko Washinton D.C. na baadaye itaonekana nchi zote za Afrika Mashariki. Cha kufurahisha zaidi ni kwamba kati ya waliocheza sinema hiyo watu Saba ni wazungumzaji wa Kiswahili -watano toka Tanzania na wawili toka Kenya. Cha muhimu ni kwamba kilichowaunganisha wote hawa ni lugha ya Kiswahili. Kampuni iliyoandaa filamu hii pia imekwishatoa filamu nyingine iitwayo Bongoland ambayo inaendelea kuuzwa sehemu mbalimbali duniani.

Nadhani Filamu hii imekuja katika wakati muafaka kwa sababu mbili kubwa; kwanza tatizo la UKIMWI ambalo linazidi kukua na athari zake kuwa mbaya kila ukicha, na pili matumizi ya lugha tamu ya Kiswahili. Uwe tayari kwa filamu hiyo ambayo nataraji itakuwa nzuri na ya manufaa kwetu. Unaweza kusoma zaidi kuhusu Filamu hiyo HAPA

Makala nyingine za Padre Karugendo

2005-09-16T14:07:00.000+02:00

Katika kona ya Padre Karugendo nimeweka makala nyingine Tano. Moja inaitwa kichwa cha Yohana Mbatizaji, nyingine Mvuvi, nyingine mbili zinahusu uchaguzi mkuu na ya mwisho inamhusu mtoto wa Afrika. Pitia uzisome.

Makala za Padre Karugendo

2005-09-13T18:19:00.000+02:00

Kuanzia sasa nitakuwa naweka makala za Padre Karugendo katika blogu hii. Makala zake nyingine nyingi pia zipo na zitaendelea kuwepo kwenye blogu ya Ndesanjo. Kwa leo anza kusoma hii hapa anoyouliza Saida Kalori anagombea Jimbo gani? Halafu isome hii nyingine kutoka Tanganyika kwenda Tanzania hapa. Nitaweka kona yake kabisa ambayo msomaji anaweza kusoma makala zake wakati wowote.

Vitabu

2005-09-13T16:46:00.000+02:00

Kuna vitabu viwili nitamshauri kila mtu avisome. Mimi nimevisoma vyote, na uzuri vinavutia kusoma na si virefu sana. Cha kwanza kinaitwa Pambazuko Gizani; kimeandikwa na Kalumuna Mboneko. Usithubutu kukikosa. Kimeandikwa kama riwaya lakini ukikisoma utajionea mwenyewe ukweli wa mambo yanayoelezewa humo ndani. Kwa maoni yangu ni kitabu cha kusomwa na kila mtu. Cha pili ni Rai ya Jenerali; kimeandikwa na Jenerali Ulimwengu. Huu ni mkusanyiko wa makala zake alizokuwa akiandika kwenye gazeti la Rai kuanzia 1993 hadi 1995. Makala hizi japo ni za miaka ya nyuma bado ni mbichi utadhani zimeandikwa leo. Tafuta ukisome. Hutajuata kukisoma. Bei zake nadhani ni za kawaida. Pambazuko Gizani ni shilingi 3,000 na Rai ya Jenerali ni 5,000.

Watanzania tuna mawazo mazuri!!

2005-09-13T16:21:00.000+02:00

Niko kwenye Basi nasafiri toka Moshi kwenda Dar. Tukikaribia Dar mjadala unaanza kuhusu uchaguzi. Ndani ya basi kuna mama mmoja mbaye niligundua baadaye sana kuwa ni diwani wa CCM huko Moshi. Mama anaanza kusomesha vijana umuhimu wa kuipigia kura CCM. Madai yake ni kwamba CCM imewalea hao vijana, pili CCM imeleta amani na tatu kwa hali ilivyo CCM imeshashinda. Vijana wale walikuwa na hasira sana kwa maneno ya yule mama wakipinga madai yake hayo. Sikupenda kuingilia mjadala ule kabisa lakini mwishoni nilishindwa kuvumilia. Sikutaka kujadili madai mawili ya CCM kuleta amani na kuwalea na kuwasomesha watanzania kwa sababu naelewa jinsi tunavyochanganya haya mambo. Mtu unaposomeshwa kwa fedha za umma watu wanafikiri nini sijuhi. Umma ndio umekulipia, ni umma umekusomesha. Serikali ipo pale kama wakala tuu. Kama huu umma haukulipa kodi serikali haitakuwepo na ni wajibu wake kuutumikia umma wote. Ikishindwa kuutumikia kuna njia za kuiondoa hiyo serikali. La CCM kuleta amani nililijadili katika makala yangu ya utamaduni wa amani(makala hii ipo kwenye kona yangu ya makala ndani ya hii blogu.

Nilianza kubisha pale huyu mama aliposema CCM imeshashinda. Mimi kama mchumi nilifikiria jinsi gharama za uchaguzi zilivyo kubwa na jinsi ambavyo umasikini umetapakaa nchini. Watu bado wanakufa kwa kipindupindu Dar es Salaam! Kwa nini sasa tutumie mabilioni kupiga kura wakati mshindi ameshajulikana? Nilimtupia huyo mama swali hili. Kabla hajajibu kuna bwana mwingine akadakia. " Wewe kama si mjumbe wa NEC hukumchagua Kikwete, lakini sisi tunajua Kikwete ndiye rais, upigaji wa kura ni formality tuu". Nikamuliza kwa nini Tanzania tusianze haka kautaratibu kazuri ambapo kila chama kikishamteua mgombea wake tunaangalia tuu wingi wa washabiki wanaompokea na yule atakayepokelewa na watu wengi ndiye awe rais tuokoe mabilioni ya kupiga kura? Jamaa akasema hapana. Ni lazima kupiga kura. " Si unaona hata mataifa makubwa kama Marekani ni lazima wapige kura?"Aliendelea yule bwana. Nikamwambia kwa nini sisi kama watanzania tusibuni utaratibu wetu ambapo mshindi atajulikana tuu kwa kutazama idadi ya wapokeaji baada ya kutangazwa na chama chake? Baada ya hapo nchi nyingine zinaweza kuiga toka kwetu. Isitoshe tuna uzoefu. Tutamuomba tuu Spika aliyemaliza muda wake atusaidie kwa uzoefu wake wa pale bungeni anapouliza: wanaokubali waseme ndiyooooo..... wasiohafiki waseme siyooooo......- Waliofiki wameshinda na kipengele hiki kimepita. Uzoefu huu utakuwa chanzo kizuri cha kutusaidia tuokoe mabilioni ya fedha za uchaguzi na kusaidia angalau uchimbaji wa visima.

Kimya

2005-09-13T16:11:00.000+02:00

Jamani nimekuwa kimya kwa muda mrefu sasa. Nilibanwa na shughuli kibao. Nilikwenda pia Nyumbani kuwaona ndugu jamaa na marafiki. Nyumbani sasa ni kampeni mtindo mmoja, watu kujieleza kwa wananchi, mlungula kutembezwa pale inapobidi, kila mgombea kumtoa mwenzake kasoro na mambo mengine ya namna hiyo. Barabara za Dar zimezidi kuwa finyu, magari ni mengi kuliko uwezo wa barabara. Barabara ya Shekilango iliyojengwa miaka michache iliyopita inatisha. Imebomoka yote. Sinza yote sasa inafanana. Zile barabara za vichochoroni hazina tofauti na barabara kuu ya Shekilango. Cha kusikitisha ni kwamba uwezo wa hii barabara ya Shekilango ni kupitisha magari yasiyozidi tani kumi kama sikosei. Wapi? yanapita mpaka ya tani 30. Ukiongezea na ukweli kwamba hakuna mifereji ya kupitisha maji basi mvua inavyonyesha inazoa kila kitu. Barabara hoi.

Simba wazidi kuua watu

2005-08-18T15:10:00.000+02:00

Kuna hii habari hapa inayoonyesha jinsi ambavyo idadi ya watu wanaouawa na simba imekuwa ikiongezeka Tanzania. Kuna maeneo mengine watu huamini kabisa kwamba hawa si simba wa kawaida. Huwa wanatumwa kula watu fulani fulani. Kwa maeneo kama hayo hawa huitwa simba watu.

Taifa Moja Nchi Mbili

2005-08-17T17:08:00.000+02:00

Niliposoma takwimu za umiliki mali na mapato kati ya weupe na weusi Afrika ya Kusini nilishindwa kuamini. Katika takwimu hizo mwandishi alisema kwamba, kama ukiigawa Afrika ya Kusini kama nchi mbili tofauti; moja ikiwa ya wazungu ambao ni asilimia 14 na nyingine ikiwa ya weusi asilimia iliyobaki na ukitumia kigezo cha shirika la maendeleo la umoja wa mataifa –UNDP cha maendeleo ya watu (Human Development Index) ambapo nchi hupangwa kuanzia ya juu kabisa mpaka ya mwisho basi sura itakuwa hivi:
Taifa la wazungu asilimia 14 wanaomiliki asilimia 88 ya mali binafsi (Private Property) litashika namba ya 24 likiwa hatua moja chini ya Uhispania
Taifa la weusi ambao zaidi ya nusu wanaishi kwa kipato cha dola moja kwa siku, na asilimia 40 ya watoto wakiwa wamedumaa kwa utapiamlo litashika namba ya 123 likiwa juu ya Congo hatua moja. Hii inaonyesha ni jinsi gani pengo la walio nacho na wasio nacho lilivyo kubwa.

Nilianza kwa kusema sikuamini hizo takwimu kwa sababu ya picha ya mwanzo niliyokuwa nayo ya sehemu za katikati ya miji ambapo kuna barabara nzuri, nyumba nzuri, mahoteli makubwa, magari ya kifahari na vinginevyo. Sasa nimeamini. Nilishiriki katika utafiti wa maeneo mbalimbali ya Cape Town siku za karibuni tukiwa tunatafiti shule za Msingi. Acha utani. Maeneo wanayoishi weusi ndani ya hili jiji zuri yanatisha. Vijumba vingi ni vya mbao na mabati kote. Msongamano wa ajabu. Shule zao utaziona ziko hoi kabisa. Ukilinganisha na hizo za wazungu utazimia. Za wazungu zimesheneza acha utani. Kila kitu kipo darasani. Wanafunzi utaona tofauti zao za kuelewa mambo kabisa. Si kwamba weusi ni wajinga ila mazingira yanawafanya wasiweze kuwa kama wenzao. Tembea uone. Hapa ni mjini bado sijaenda huko vijijini nijionee.

Gazeti moja hapa siku za karibuni limetoa takwimu za kusikitisha. Inasemekana kwamba kwa sasa wanafunzi 3.6 milioni hawana viti vya kukalia na wengine milioni 4.2 hawana madawati yanayofaa kuandikia (hakuna mweupe hapa). Lakini ukiona maisha ya mijini huwezi kuamini kabisa. Kwa mtaji huu si kwamba kuna watu tofauti tuu katika nchi hii, bali pia hizi ni dunia mbili tofauti kabisa.

Ni nini maana ya kustaafu ?

2005-08-17T17:00:00.000+02:00

Hili neno kustaafu linanipa shida sana. Nilidhani maana ya kustaafu ni kwamba uwezo wako wa kutoa mchango katika uzalishaji unakuwa umeanza kupungua na ndiyo maana ukifikia umri fulani ni lazima ustaafu. Kwa Tanzania umri wa kustaafu ni miaka 60. Umri huu uliongezwa miaka michache ya nyuma. Kabla ya hapo ilikuwa 55. Na umri huu hauwekwi tuu kwa maana ya kuwekwa kuna vigezo vinatumika na pengine utafiti unafanyika kabisa kutafuta umri muafaka wa kustaafu. Nadhani ukishastaafu sasa unatakiwa kufanya shughuli ambazo haziumizi sana kichwa na mwili wako, shughuli ambazo kwa kweli hazihitaji kukimbia kimbia. Ukimona mtu anastaafu halafu eti anachukua jembe kwenda kufungua shamba ujue huyo hawezi kuzalisha chochote. Utalima wakati wa uzeeni?

Kama ninachofikiria ni sahihi basi inaelekea bungeni ni mahali pa kupumzikia. Ni mahali ambapo hapahitajiki sana kutumia akili nyingi wala nguvu nyingi kwa sababu watu wengi wanaoijiingiza kwenye ubunge ni wazee waliokwishastaafu. Kwa maana nyingine mchango wao sehemu za kazi walipokuwa wakifanyia ulishapungua. Sasa unampeleka bungeni akawakilishe wananchi wa jimbo lake, akatunge sheria, akaishauri serikali nakadhalika. Hivi kutatokea chochote huko bungeni? Mimi nadhani hapa kuna kasoro kubwa mno. Kuna wale watakaosema kwamba busara za wazee zinatakiwa. Ndiyo zinatakiwa lakini si lazima iwe bungeni wana sehemu nyingine wanazoweza kupenyeza hizo busara. Pili nani alisema kuna uhusiano wa moja kwa moja kati ya busara na uzee? Kuna kuchanganya mambo hapa. Kuna tofauti kubwa kati ya busara na kuona mambo kwa miaka mingi. Labda Kiswahili changu ni kibovu nashindwa kuelewa kama kuona mambo kwa miaka mingi ndiyo busara. Kuna vijana wadogo wenye busara kuliko wazee wa miaka 80!. Na kama hujawahi kuwa na busara udogoni mwako huwezi kuwa nayo uzeeni hata utambike.

Mimi nadhani sasa wakati umefika kwamba ukishafikia umri wa kustaafu uache zile kazi nzito na zenye kuhitaji msuli hasa msuli wa akili. Labda tukubaliane kwamba kwenye siasa hakuna kazi za kutumia nguvu na akili nyingi ndio maana ukishastaafu unaweza kujimwaga na kuanza kwenda kukaa kwenye vikao Dodoma huku usingizi ukikuandama bila kutoa mchango wa maana katika miswada inayowasilishwa. Mawaziri wazee nao huu uwe mwisho wao. Labda pia iwe uwaziri nao ni kazi ya mteremko isiyohitaji nguvu na matumizi ya akili.

Uajua hili?

2005-08-04T21:57:00.000+02:00

Mnamo mwaka wa 1960, Jamhuri ya Afrika ya Kati ilikuwa na hali nzuri kwa zaidi ya asilimia 50 ikilinganishwa na Taiwan, lakini kufikia mwaka 2000, kibao kilikuwa kimegeuka kabisa kwa Taiwan kuwa tajiri mara 17 ya Jamhuri ya Afrika ya Kati. Tukiweka tarakimu ili ieleweke kirahisi ni kwamba; mwaka 1960 kipato cha wastani kwa mwananchi wa Jamhuri ya Afrika ya Kati kilikuwa Dola za Marekani 2,180 wakati cha Taiwan kilikuwa Dola 1430, mwaka wa 2000 kipato cha kila Mtaiwani kilipanda na kufikia dola 18,700 wakati cha Mwanaafrika ya kati kilishuka na kufikia dola 1,120. Hali si tofauti sana ukilinganisha kwa mfano Malaysia na Ghana ambazo zote zilianza kwa kipato kinacholingana mwaka 1960 na zote zikiwa zinategemea sana kilimo, kadhalika unaweza ukalinganisha Nigeria na Indonesia zote zikiwa wazalishaji wa mafuta. Nitajaribu kuandika kwa lugha rahisi sbabu za maajabu haya. Kwa vyovyote unaweza kwa sasa ukachukulia tuu kwamba Afrika tuna kile ambacho tunatumia kujifariji na kuhalalisha uzembe "bahati mbaya" wakati wenzetu wana kile ambacho huitwa "bahati nzuri." Au tuite mkosi kwa Afrika? Sijuhi. Ngoja nitafute muda nichambue sababu ambazo zimekuwa zikitolewa kwa pengo hili.

Wanablogu wanafanya uandishi wa habari je ni waandishi wa habari?

2005-08-01T19:27:00.001+02:00

Soma habari hii hapa uone umuhimu wa wanablogu

Blair na aondoke

2005-08-01T18:43:00.000+02:00

Soma habari hii inayosema kwamba Tony Blair hafai tena kuendelea kuwa Waziri Mkuu kufuatia kitendo chake cha kusababisha mji wa London ushambuliwe kwa utitiri wa mabomu na sasa kutaka kunyang'anya wananchi baadhi ya haki zao na kuminya uhuru wao kutokana na sheria mpya za ugaidi.

Tutamkumbuka Daktari Garang

2005-08-01T11:43:00.000+02:00

Daktari John Garang, makamu wa rais wa Sudan kwa wiki tatu tuu na kiongozi wa Sudan ya Kusini kwa miaka lukuki emefariki wakati ambapo dunia ilikuwa na matumain makubwa sana kwake hasa baada ya kusaini makubaliano ya amani na serikali ya Khartom. Soma habari hii hapa. Garang, Daktari mchumi aliyewahi kusoma Chuo Kikuu cha Dar-es-Salaam miaka ya nyuma na kupata shahada yake ya udaktari wa falsafa katika chuo hiki hapa alijitolea kupigania haki za wasudani kusini ambao walikuwa wakitengwa na mfumo wa utawala wa Khartom. Kifo chake kitakuwa pigo kubwa kabisa hasa ikitiliwa maanani mkataba wa amani wa hivi karibuni. Alale pema Daktari Garang.

Mambo ya blogu

2005-07-22T20:42:00.000+02:00

Leo Ethan alitoa shule kuhusu "Community Blogging". Lilikuwa somo la nguvu sana. Washiriki walikuwa na furaha na wengi wamehamasika kuanzisha blogu zao na kuanzisha jamii yao ya mtandao wa blogu. Mimi nilizungumzia kidogo kuhusu blogu za Kiswahili; tunaandika nini, ni nani wanaandika nakadhalika. Wengi walifurahia jinsi ambavyo watanzania wanachipukia katika ulimwengu huu wa blogu na jinsi ambavyo wengi wetu tunavyojadili mambo yahusiyo nchi yetu, na ulimwengu kwa jumla kinyume na baadhi ya wanablogu wa nchi nyingine ambao huzungumzia mambo yao binafsi, familia na rafiki zao. Changamoto kubwa waliyotupa ni je ni nani anasoma tunayoaandika? Tutahakikishaje kwamba mawazo yetu yanasomwa na watu wengi zaidi? Hili ni jambo la msingi na inabidi wanablogu wote tubunge bongo kuhakikisha tunasomwa na watu wengi zaidi hasa wale ambao hawana "internet". Tujadiliane kwa hili kurahisha ufikishaji wa ujumbe kwa jamii. Lazima nikiri kwamba Ethan ni mtu muungwana, mpenda mijadala na mhamasishaji mzuri anayeweza kukufanya ukawa na blogu hata kama ulikuwa huna mpango wa kuwa nayo. Anaijua Tanzania kiasi pia, ameniambia ameshakuwa Dar mara kadhaa na ametembelea Zanzibar na Mikumi. Tuongeze bidii sauti zetu zitasikika.

Nimekutana na Ethan Zuckerman

2005-07-21T22:25:00.000+02:00

Leo jioni nimekutana na Ethan Zuckerman Tumejadili mambo kadhaa likiwepo jambo muhimu la wanablogu wa Tanzania. Jambo moja analosema ni kwamba watanzania wengi wenye kublogu ni waandishi na wamejikita sana kwenye mijadala ya kisiasa. Si kwamba ni vibaya. Jingine ni kwamba watu wengine mitaani hawako kwenye hii taaluma ya kutumia blogu. Hili la pili lina maelezo- miundombinu hafifu; si rahisi kwa watu wengi kutumia blogu kutoa mawazo yao kwa vile teknolojia bado ni ya hali ya chini. Jingine la msingi ni kwamba je ni watu wangapi wanaosoma mawazo yetu tunayoandika kwenye blogu? Kama wasomaji ni wachache ni namna gani basi tunahakikisha kwamba mawazo yetu yanafikia jamii kupitia magazeti na vyombo vingine? Hili ni jambo la kufikiria kabisa wanablogu wote watanzania. Mambo tunayoandika kwenye blogu yanawafikia wanajamii? Kwa mfano wanasiasa kweli wanasoma blogu? Kama hawasomi tutawafikishiaje ujumbe? Kaniuliza pia jambo lingine ambalo sikuwa na jibu lake. Hili waandishi mnaweza kulijibu. Ni kweli kwamba mnayoaandika kwenye blogu hamyaandiki kwenye vyombo vya habari mnavyofanyia kazi? Kwa kuwa siandiki magazetini sikuwa na jibu. Labda msaidie hapo.

Kesho atatoa mhadhara hapa chuoni nitahudhuria na kutoa mchango wangu kuhusu blogu za kiswahili.

Ugaidi

2005-07-16T13:49:00.000+02:00

Kwa nini hawa watu wanaoitwa magaidi watoke Misri, Saudi Arabia, Pakistan na nchi nyingine zenye uhusiano mzuri na Marekani na Uingereza? Kwa nini hawatoki nchi kama Iran au Iraq(kabla ya kuvamiwa)? Hili jambo limekuwa likinitatiza mno lakini naanza sasa kupata Mwanga. Huu urafiki wa baadhi ya nchi za kiarabu na nchi za magharibi hauungwi mkono na watu, ni urafiki wa viongozi hivyo wanajaribu kuonyesha hisia zao kwa njia hizi ambazo nchi za magharibi zinaita ugaidi. Lakini kuvamia Iraq na kuua hovyo si ugaid hata kidogo, ni ukombozi. Kabla ya kuvamiwa Iraq kulikuwa hakuna kitu kama watoa maisha mhanga. Naam, sasa wamezalishwa wa kutosha. Kulikuwa hakuna ushahidi wowote wa Alkaida na Iraq. Naam sasa wana tawi kabisa. Kwa vile wanataka Iraq iwe na uhusiano na nchi za magharibi sasa wananchi hawataki wanaonyesha kwa vitendo kama vya kujitolea mhanga, hali ambayo haikuwepo siku za nyuma.

Kwa wale wasikilizaji wa BBC nadhani mmesikai mjadala alioendesha Tido Mhando katika kipindi cha wiki hii- Jumamosi, tarehe 16/07/2005, mmoja wa washiriki wa mjadala ameongea jambo la msingi sana. Kwamba ni waafrika wangapi wanakufa kwa kuchinjwa, wanakufaa kwa njaa, magonjwa yanayotibika nakadhalika kila leo? Hakuna tofauti kati ya mweupe na mweusi katika vifo. Lakini wakifa weupe nakuambia ni kama wao wana haki zaidi. Hawastahili kufa. Mabomu ya London yaliyoua watu 54 hadi sasa yameonyesha hili. Viongozi mbalimbali wanatia saini vitabu vya maombolezo. Inatakiwa sasa kila asubuhi baadhi ya viongozi wakiamka asubuhi jambo la kwanza liwe ni kutia saini vitabu vya maombolezo kwa makumi ya watu wao waliohujumiwa maisha yao kwa Malaria, Kipindupindu, Ajali nakadhalika. Wasisahau pia kutia saini vitabu vya maombolezo kwa wananchi wa Iraq wanaouwa kila siku bila hatia.

Wanahabari ni muhimu kusoma hii

2005-07-13T21:58:00.000+02:00

Hii tovuti ya John Pilger ni nzuri sana hasa kwa wana habari. Ipitie hapa halafu soma hii habari hapa

Unmfahamu George Galloway?

2005-07-13T20:35:00.000+02:00

Huyu ni mwakilishi katika "House of Commons" Uingereza, anawakilisha eneo ambalo watu wake wengi walikufa katika milipuko iliyogharimu maisha ya waingereza wasiopungua 50 karibuni. Huyu bwana ameamua kusema ukweli. Anasema haya ni matokeo ya chuki ambayo imeongezeka dhidi ya Uingereza na Marekani kutokana na sera zao mbovu hasa huko Iraq, Afrighanistan, Mambo yanayotokea Guantanamo bay, yaliyotokea katika gereza la Abu Ghraib huko Iraq na mengineyo. Pamoja na kulaani hiki kitendo cha kulipuliwa waingereza kwa nguvu zote, bado anahoji mantiki ya kutoona wale wanaouwawa Iraq kila siku kama binadamu wengine. Anasema kuna watu wanaofikiri kwamba damu ya Wairaq waliouwawa Falujah wakati mji unateketezwa na wanajeshi wa ushirika ikiwemo Uingereza haina thamani kama waingereza waliouwa kwenye mashambulizi hayo. Tafadhali soma mawazo yake kama yalivyonukuliwa katika taarifa rasmi ya bunge (Hansard) Hapa

Kuna Demokrasia IMF na World Bank?

2005-07-12T22:41:00.000+02:00

Kuna wataalam ambao wanahoji uhalali wa nchi kama Marekani kuwa na maamuzi makubwa katika vyombo vya fedha duniani yaani Benki ya Duniaa na Shirika la fedha ulimwenguni. Wanahoji pia uhalali wa nchi nyingine hasa changa kuwakilishwa na waziri wa fedha na gavana wa benki kuu tuu katika kutoa maamuzi makubwa ya nchi yao. Kwa wenye hoja kwamba nchi kubwa zina kura ya turufu kwa sababu ya mchango mkubwa, anatoa mfano wa Bill Gates kwamba yeye basi apatiwe kura kwa mfano laki moja kwa vile kipato chake kinaweza kuwa mara laki moja ya kipato cha mmarekani wa kawaida. Nisikumalizie uhondo, msome mwenyewe HAPA

Mapadre na Familia

2005-07-09T11:50:00.000+02:00

Soma habari hii ya mapadre wa Kanisa katoliki huko Marekani

Matatizo yameisha?

2005-07-08T21:12:00.000+02:00

Mkutano wa wanyakua mali za waafrika umeisha. Nasikia sasa wamekubaliana kuongeza msaada kufikia Dola Bilioni Hamsini ($50). Kweli waafrika tuna matatizo mengi kweli. Baadhi yetu tulikuwa haturajii maajabu japo kuna watakaofikiri wamelamba dume. Hebu fikiria dola bilioni 50 kwa bara zima. Bara lina nchi 53 hivi zenye matatizo mengi na tofauti lakini nyingi ya nchi, matatizo yanafanana. Tukichukulia ukweli kwamba kuna nchi ambazo zina ahueni kama vile Mauritius, Nchi za Afrika ya kaskazini, Botswana, Afrika ya kusini, Namibia na nyingine chache, nchi nyingine ni hoi. Hata hizi si kwamba umasikini si wa kutisha, ni takwimu tuu ambazo zinaonyesha kwamba wana ahueni lakini kuna watu hoi ajabu na wengi. Sasa tukiziondoa hizo tuchukulie tunabaki na nchi kama 25 ambazo ni hoi zinazohitaji msaada huo. Ina maana kwamba kwa wastani kila nchi itapata Dola bilioni 2 hivi. Na haziji mara moja. Sidhani kama kuna maajabu yatakayotokea. Pili, huu utegemezi hautatutoa kwenye mtaro tuliopo.

Ninasikia huko Kenya watoto wamemkabidhi Balozi wa Uingereza sahihi kama 400,000 wakitaka nchi za kibepari zishughulikie matatizo ya watoto wa Afrika. Wanasema wanataka sahihi nyingine toka Uganda, Ethiopia na Tanzania ili zifike milioni moja. Watoto nao wameshakataa tamaa kwamba matatizo yao hayawezi kutatuliwa na nchi zao wanataka mabepari wayatatue. Sijuhi tunajengea watoto wetu kasumba gani. Kasumba ya kukosa imani na Serikali yao na kasumba ya utegemezi. Unafikiri hao watoto wanaweza kujua katika kukua kwao kwamba inawezekana kufanya chochote bila wazungu? Si ajabu watoto walivyowasilisha sahihi hizo kulikuwa na viongozi wa serikali, hata kama hawakuwepo huenda wamefurahishwa na jambo kama hilo, kwa sababu wanadhani mabepari wanaweza kuwasikiliza watoto na kupewa misaada ili yaingie tumboni mwao. Aibu hii!!!

Makala ya Misaada

2005-07-06T21:53:00.000+02:00

Nimeandika mawazo yangu kuhusu misaada na mkutano wa G8. Unaweza kusoma hapa

Gadaffi aonya viongozi wenzake kuacha kuomba

2005-07-04T19:36:00.000+02:00

Soma habari hii uone jinsi kiongozi wa Libya anavyowaonya viongozi wa Afrika kuacha kuomba kwa nchi tajiri. Nadhani waliozoea kutembeza bakuli wanamuona kama mwendawazimu fulani hivi.

Huenda Afrika ikagawanwa

2005-07-04T10:23:00.000+02:00

Nahisi huo Mkutano wa G8 utakuja na mkakati wa kugawana maeneo Afrika. Kila mshirika atapewa vipande ambavyo ataambiwa avipe kipaumbele katika kutoa misaada. Kila nchi inaweza kukabidhiwa eneo Afrika kutokana na umahiri katika sekta fulani. Marekani nahisi itakuwa ni Equtorial Guinea, Cape Vedre, Chad sijuhi na ipi. Na nyingine zitachagua maeneo kutokana na uwezo wa kampuni zake kugecha rasilimali za Afrika. Ikitokea hivyo usishangae. Ndiyo Berlin Nyingine hiyo!!

Angalia hii habari ya huyu Balozi wa Iraq

2005-07-03T13:00:00.000+02:00

Habari hii hapa inaonyesha jinsi huyu balozi wa Iraq katika Umoja wa Mataifa alivyo mbinafsi. Analalamika kuuwa kwa binamu yake ambaye anadai hakuwa na hatia. Hivi ni maelfu mangapi ya wairaq wasio na hatia wanaouwa na jeshi la Marekani? Ameumwa sana na binamu yake anasahau kila mwiraq ambaye mtoto, mzazi au ndugu yeyote aliyeuwa ana machungu kama yake ila hawana pa kulalamikia kama yeye. Yeye kama mwakilishi ingebidi aongelee mfumo mzima wa utendaji wa jeshi la wavamizi wa marekani wanavyoua watu hovyo. Sasa kaona binamu yake ni binadamu zaidi kuliko wengine!

Yanayotokea Malawi

2005-07-02T11:26:00.000+02:00

Ukifuatilia mambo yanoyotokea nchi jirani ya Malawi tangu alipochaguliwa Bingu wa Muthalika utagundua mengi. Jambo la kwanza utakalogundua ni lile onyo alilowahi kutoa Hayati Mwalimu Nyerere: je unapotumia fedha lukuki kutaka urais utazilipaje? Kuna kiwanda cha kutengeneza pesa ikulu? Ndicho alichofanya Bakili Muluzi rais mstaafu. Alitafuta mamilioni ya Kwacha za Malawi kumnadi wa Muthalika. Baada ya kuchaguliwa akatakiwa aanze kuchota pesa kulipa madeni. Wacha utani, mchumi kakataa kata kata. Sasa wakaanza kumzushia visa wanataka sasa kumtosa kabisa. Wabunge wa UDF chama kilichompa urais kinataka sasa kulitumia bunge kumwadabisha. Malumbano yakawa makali mpaka Spika kapata kiharusi na sasa Marehemu.

Lingine ni kwamba huyu rais Muthalika ataandika historia. Nadhani atakuwa miongoni mwa watu wachache wenye uthubutu duniani. Uthubutu wa kukihama chama kilichompa madaraka na kuunda cha kwake. Si mchezo inahitaji roho ngumu hasa. Wamalawi wameshindwa cha kumfanyia kwa sababu katiba iko kimya iwapo rais ataamua kukihama chama. Nani angefikiria kwamba kuna mtu angethubutu kufanya hivyo? Huyu bwana atasaidia sasa nchi nyingi kuangalia katiba zao upya. Kuna jamaa wanaosema kwamba huyu bwana kafanya kitu ambacho hakijawahi kutokea nchi yoyote. Kama ni kweli basi yeye ni mwanzilishi. Kila kitu huwa na mwanzo kwani ni lazima ufanye mambo ambayo yameshafanyika tuu? Ni lazima kuwe na pa kuanzia. Nadhani atakumbukwa kwa hilo.

Mwisho, ni lazima ugundue kwamba unavyogombana na mtu na kusuluhishana ni wachache sana ambao husamehe kabisa. Muluzi na wa Muthalika walikuwa maadui wakubwa siku za nyuma. Inadaiwa kwamba ni Muluzi aliyemfanyia fitna wa Muthalika kuondolewa katika COMESA. Baadaye wakasuluhishana na Muluzi kumshika mkono kutaka wamalawi wamchague. Nadhani jamaa alikuwa akingojea pa kulipizia kisasi. Na sasa anafanyiza kweli!! Kuna somo tunaloweza kujifunza?

Kiswahili lugha yetu

2005-06-30T15:15:00.000+02:00

Kuna makala mbili za Padre Karugendo zilizopo kwenye blogu ya Ndesanjo kuhusu Kiswahili. Moja ya jambo aliloonya ni kwamba kama Tanzania italala na kufikiri kwamba ni bingwa wa kiswahili, basi kuna siku utasikia wakenya, waganda, wakongo waafrika ya kusini wakiwa ndio waalimu wakubwa wa kiswahili na wakawa wanatengeneza fedha kupitia lugha ambayo Tanzania inaweza kabisa kujisifu ndio gwiji wake. Mambo kama haya yameshatokea duniani si mageni. Wareno katika historia walikuwa wa mwanzo kabisa kufanya tafiti na kugundua mambo mengi lakini wakalala wakaanza kunywa mvinyo wakapitwa na nchi nyingine za ulaya. Sasa hivi Ureno ni kati ya nchi masikini barani ulaya. Mfano mwingine ni wa Malasia na Ghana katika kilimo cha Mawese, nchi hizi mbili zote zilipata uhuru mwaka 1957, Ghana ilikuwa mzalishaji mkuu wa mawese ambayo ni malighafi muhimu sana, Wamalei walikuwa wanakwenda Ghana kujifunza kilimo hicho, waghana walikuwa wakienda Malasia kuwafundisha namna ya uzalishaji wa zao hilo. Angalia leo tofauti iliyopo kati ya Malasia na Ghana. Malasia sasa hivi ni mzalishaji mkuu wa Mawese duniani, wakitumia taaluma ya kisasa. Ghana sasa wanajifunza toka Malasia. Mifano ni mingi. Tunajifunza?

Tuna matatizo gani?

2005-06-30T13:37:00.000+02:00

Je unajua kwamba shirika la ndege la Afrika ya Kusini SAA ambalo lilichukua ATC linamilikiwa na Serikali? Mbona wao wanaweza mpaka wananunua mali za shirika la serikali nyingine? Yaani tunatoa mali yetu inayomilikiwa na serikali yetu kwa serikali ya nchi nyingine. Hamu sina.

Mambo ya UKIMWI yapamba moto

2005-06-30T13:34:00.000+02:00

Jamani haya mambo ya UKIMWI yanakuwa sasa ni siasa. Kama mtakumbuka siku za nyuma niliandika jinsi Daktari anayetangaza matumizi ya vitamini kama njia ya kusaidi kupunguza madhara ya UKIMWI anavyobanwa. Nimeandika pia kwenya makala yangu ndefu iliyopo ndani ya blogu sasa. Basi siku za Karibuni Waziri wa Afya wa Afrika ya Kusini, Manto Tshabalala- Msimang alionana na huyo Dr. Rath (bingwa wa vitamini) na anaelekea anakubaliana na hoja kwamba vitamini kiasi fulani zina manufaa katika kumsaidia mhathirika. Baada ya hapo akatoa tamko kwamba wananchi wawe na uchaguzi wa dawa zilizopo, wale wanaoweza kupata ARVs waendelee nazo wale wa vitamini na dawa asilia waachwe wachague kwa sababu asilimia 80% ya wagonjwa wanaofika hospitali za serikali huwa wanatembelea waganga wa asili kwanza. Wabunge wa chama cha wazungu cha DA wamekuja juu, sasa wanataka kumshitaki katika baraza la maadili la watoa huduma za afya kwa kuwaambia wanachi wanaweza kuchagua dawa ambazo hazijathibitishwa kutibu kitaalam. Kuna mvutano usio wa kawaida kati ya watetea kampuni za dawa za magharibi na watetezi wa dawa asilia na vitamini. Huu ukasuku wa waafrika kufikiri kila kitu lazima kipitishwe na wazungu utatumaliza. Huyu Waziri ni ngangari sana na si mhumini mzuri sana wa nadharia za UKIMWI zilizoenezwa na nchi za magharibi ambazo kwanza hazina uthibitisho wa kitaalam. Rais Thabo Mbeki pia alikuwa mmoja wa watu waliokuwa wakihoji nadharia ya HIV-UKIMWI. Ukienda kwenye tovuti hii utakumbana na picha yake pamoja na mambo mengi yahusuyo UKIMWI

Makala mbili mpya

2005-06-28T13:51:00.000+02:00

Nimeandika makala mbili mpya. Moja kuhusu Shirikisho la Afrika Mashariki na nyingine kuhusu utata juu ya UKIMWI. Zisome hapa na hapa. Makala nyingine mpya kuhusu misaada ya nje nitaibandika karibuni.

PSRC ibinafishwe

2005-06-28T11:46:00.000+02:00

Hili dude linaloitwa PSRC limekuwa likilalamikiwa kweli kweli. Limekuwa likifanya mambo ambayo yanalalamikiwa mara kwa mara kama kuuza mashirika kwa bei poa, harufu za rushwa na mikataba ya ajabu ajabu. Hii tume iliteuliwa kurekebisha mashirika ya umma sasa inabidi nayo irekebishwe. Inaweza kubinafsishwa. Kubinafisha taasisi inayoshughulikia ubinafsishaji kama PSRC ni aina mojawapo ya ubinafsishaji pia. Unatangaza tenda halafu unapata kampuni binafsi itakayofanya ubinafsishaji, serikali inabakia na kazi ile ile ya kuweka kanuni na kusimamia sera na kuhakikisha ubinafsishaji unafanyika kwa manufaa ya wananchi. Hii ni njia mojawapo ya kuirekebisha PSRC.